தேவையான பொருட்கள்
வேக வைப்பதற்கு
- ஒரு கப் துவரம் பருப்பு
- ரெண்டு தக்காளி
- ரெண்டு முருங்கைக்காய்
- 2 கப் தண்ணீர்
- 1/2 டீஸ்பூன் மஞ்சள் தூள்
- ஒரு டீஸ்பூன் எண்ணெய்
- ரசம் கரைப்பதற்கு ஒரு எலுமிச்சை அளவு புளி
- 2 தக்காளி
- வேகவைத்த பருப்பு
- கொத்துமல்லி சிறிது
- கால் டீஸ்பூன் மஞ்சத்தூள்,
- கால் டீஸ்பூன் மிளகாய்த்தூள்,
- உப்பு, சுவைக்கு ஏற்ப
அரைப்பதற்கு
- ஒரு டீஸ்பூன் மிளகு
- ஒரு டீஸ்பூன் சீரகம்
- ஆறு பல் பூண்டு
தாளிப்பதற்கு
- இரண்டு டீஸ்பூன் எண்ணெய்
- ஒரு டீஸ்பூன் கடுகு,
- ஒரு கொத்து கருவேப்பிலை
- இரண்டு வரமிளகாய்
- அரைத்த மிளகு சீரகம்
செய்முறை
Step 1: முதலில் துவரம் பருப்பை இரண்டு முறை கழுவிக்கொள்ள வேண்டும். அதன் பின் குக்கரில் வைத்து அதில், நறுக்கிய தக்காளி, முருங்கைக்காய், மஞ்சள் தூள், எண்ணெய் மற்றும் இரண்டு கப் நீர் ஊற்றி குக்கரை மூடி அடுப்பில் வைத்து இரண்டு விசில் விட வேண்டும்.
Step 2: விசில் போனதும் குக்கரை திறந்து சிறிது முருங்கைக்காயை எடுத்து தட்டில் எடுத்து வைத்துக்கொள்ள வேண்டும். பின்பு வேகவைத்த பருப்பு தக்காளியை நன்கு மசித்து விட வேண்டும். பிறகு மிக்ஸர் ஜாரில் மிளகு, சீரகம், பூண்டு பற்களை சேர்த்து நன்றாக அரைத்துக் கொள்ள வேண்டும். அதன் பின் ஒரு பாத்திரத்தில் புளிசாற்றினை எடுத்துக்கொண்டு அதில் தக்காளியை சேர்த்து கைகளால் பிசைந்து கொள்ள வேண்டும்.
பேச்சுலர்களுக்கான 10 நிமிட குவிக் ரெசிபி.. ரசம், தயிர் சாதத்திற்கு அல்டிமேட் சைடிஷ்..!
Step 3: பின்னர் அதில் வேகவைத்த பருப்பை வடிகட்டியால் வடிகட்டி சேர்த்து அத்துடன் கொத்தமல்லி, மஞ்சத்தூள், மிளகாய்த்தூள் மற்றும் சுவைக்கு ஏற்ப உப்பு சேர்த்து கலந்து கொள்ள வேண்டும். பாத்திரத்தை அடுப்பில் வைத்து அதில் ரசம் தாளிப்பதற்கு எண்ணெய் ஊற்றி சூடானதும் கடுகு, கருவேப்பிலை, வரமிளகாய் சேர்க்க வேண்டும்.
Step 4:பின் அதில் அரைத்து பூண்டும், மிளகு, சீரகத்தை சேர்த்து வதக்க வேண்டும். கரைத்து வைத்துள்ள ரசத்தை சேர்த்து அத்துடன் முருங்கக்காயை சேர்த்து முளைகட்டி ஒரு முறை கொதிக்க ஆரம்பித்ததும் அதை இறக்கினால் சுவையான முருங்கைக்காய் ரசம் தயார்.
