அசைவு உணவுகளில் முட்டை மிகவும் பிரபலமான உணவு பொதுவாக முட்டையை வேக வைத்தோ அல்லது ஆம்லெட் செய்து சாப்பிட்டு இருப்பீர்கள். ஆனால், இந்த முறையில் சற்று வித்தியாசமாக சாப்பிட நினைப்பவர்களுக்கு கூடுதல் சுவை கொடுக்க கூடும். வித்தியாசமான முட்டை மசாலா எப்படி செய்வது என்பது குறித்து இந்த பதிவில் காண்போம்.
தேவையான பொருட்கள்
- முட்டை4
- உப்பு தேவையான அளவு
- எண்ணெய்
மசாலா செய்ய
- பொடியாக நறுக்கிய ஒரு கப் வெங்காயம்
- தக்காளி அரை கப் நறுக்கியது
- ஆறு பல் நறுக்கிய பூண்டு
- இஞ்சி 2 in நசுக்கியது
- மஞ்சத்தூள் அரை டீஸ்பூன்
- கறிமசாலாத்தூள் ஒரு டீஸ்பூன்
- மிளகாய்த்தூள் கால் டீஸ்பூன்
- மிளகுத்தூள் அரை டீஸ்பூன்
- சீரகம் ஒரு டீஸ்பூன்
- கருவேப்பிலை ஒரு கொத்து
- கொத்துமல்லி இலை
செய்முறை
Step 1: முட்டைகளை ஒரு பாத்திரத்தில் உடைத்து அதில் சிறிதளவு உப்பு சேர்த்து லேசாக அடித்து ஒரு கடாயில் எண்ணெயை ஊற்றி சூடாக்கி முட்டை கலவையை மிதமான தீயில் பொரித்தெடுக்கவும்.
வெளியே வச்சா 20 நாள்.. பிரிட்ஜில் வச்சா 1 மாதம்.. இன்ஸ்டன்ட் கறிவேப்பிலை சட்னி..!
Step 2: மென்மையாகும் வரை சமைக்கவும். வெந்ததும் எடுத்து தனியாக வைக்கவும். இப்போது ஒரு கடாயில் எண்ணெய் சூடாக்கி சீரகம் மற்றும் கருவேப்பிலை சேர்த்து தாளிக்கவும். நறுக்கிய வெங்காயம், நறுக்கிய இஞ்சி மற்றும் பூண்டுகளுடன் சேர்த்து பொன்னிறமாக மாறும் வரை வதக்கவும். இந்த கலவையுடன் மஞ்சள் தூள், கறி மசாலா தூள், மிளகுத்தூள் மற்றும் உப்பு சேர்க்கவும்.
Step 3: மசாலா பொடி பச்சை வாசனை நீங்கும் வரை நன்றாக வதக்கி, வெங்காய கலவையுடன் சேர்த்து வதக்கவும். இப்போது, வேகவைத்த முட்டைகளை சேர்த்து அது மசாலாவுடன் நன்றாக கலக்கும் வரை பிரட்டி எடுக்கவும்.
Step 4: கரண்டியை பயன்படுத்தி முட்டைகளை சின்ன சின்ன துண்டுகளாக உடைத்து மசாலா முட்டைக்குள் நன்கு கலந்ததும் கொத்துமல்லி இலைகளை அலங்கரித்து அடுப்பை அணைத்து விடவும். இந்த பொரிச்ச முட்டை மசாலா, சாம்பார் ரசம் அல்லது தயிர்சாதத்துடன் மிகவும் சூப்பராகவும் கூடுதல் சுவையுடனும் இருக்கும்.
