வீட்டிலேயே மிகவும் சுவையாகவும் ஆரோக்கியமாகவும் செய்யக்கூடிய ‘கடலை மிட்டாய்’ செய்முறை மற்றும் அதன் முக்கிய குறிப்புகள்.
தேவையான பொருட்கள்
- வேர்க்கடலை (Groundnut) – 2 கப் (வறுத்து, தோல் நீக்கியது)
- வெல்லம் (Jaggery) – 1.5 கப் (தூளாக்கியது)
- ஏலக்காய் தூள் – 1/2 ஸ்பூன்
- நெய் – 1 ஸ்பூன் (தட்டு மற்றும் கைகளில் தடவ)
- தண்ணீர் – 1/4 கப்
செய்முறை
Step 1: கடாயில் வேர்க்கடலையைச் சேர்த்து மிதமான தீயில் நன்கு மொறுமொறுப்பாகும் வரை வறுத்து, ஆறிய பிறகு தோலை நீக்கிவிட்டு இரண்டாக உடைத்து வைத்துக் கொள்ளவும்.
Step 2: ஒரு பாத்திரத்தில் பொடித்த வெல்லம் மற்றும் கால் கப் தண்ணீர் சேர்த்து வெல்லம் முழுமையாகக் கரையும் வரை கொதிக்க விடவும். வெல்லம் கரைந்ததும் தூசிகள் நீக்க வடிகட்டிவிட்டு மீண்டும் பாத்திரத்தில் ஊற்றவும்.
நாவில் எச்சில் ஊறும் சுவையில் ‘நெத்திலி மீன் தொக்கு’.. எளிய சமையல் குறிப்புகள்..!
Step 3: வெல்லப்பாகு கொதித்து கெட்டியாக வேண்டும். பதம் எப்படி என்றால், ஒரு கிண்ணத்தில் தண்ணீர் ஊற்றி அதில் ஒரு துளி பாகை விட்டால், அது கையில் ஒட்டாமல் உருட்ட வரும் பதம் (Hard Ball / Soft Crack Stage) வர வேண்டும். இதுவே சரியான பதம்.
Step 4: இப்போது தீயைக் குறைத்துவிட்டு, தயார் செய்து வைத்துள்ள ஏலக்காய் தூள் மற்றும் உடைத்த வேர்க்கடலையைச் சேர்த்து வெல்லப்பாகுடன் நன்றாகக் கிளறவும். நெய் தட்டு அல்லது பட்டர் பேப்பரில் இந்த கலப்பைக் கொட்டி, சூடு ஆறும் முன்பே சமமாகத் தட்டி, விரும்பிய வடிவத்தில் கத்தியால் கோடு போட்டு வைத்துக் கொள்ளவும். முற்றிலும் ஆறிய பிறகு துண்டுகளாகப் பிரித்தால் மொறுமொறுப்பான சுவையான கடலை மிட்டாய் தயார்!
