முதல்வர் விஜய்யின் லண்டன் பயணம் குறித்துப் பேசிய அரசியல் பிரமுகர் அண்ணாமலை, பொருளாதார வளர்ச்சி குறைந்திருக்கும் லண்டனுக்கு முதலீடுகளை ஈர்க்கச் செல்வதற்குப் பதிலாக, தமிழகத்தின் உள்மாவட்டங்களான மதுரை, கோவை போன்ற தொழில் நகரங்களுக்குச் சென்று உள்ளூர் நிறுவனங்களை ஊக்கப்படுத்தியிருக்கலாம் என விமர்சனம் செய்திருந்தார்.
அண்ணாமலையின் இந்தக் விமர்ச்சனத்திற்குக் கடுமையான கண்டனம் தெரிவித்துள்ள அமைச்சர் மரிய வில்சன், முதலீடுகளை ஈர்க்கும் வகையிலான வெளிநாட்டுப் பயணங்களைச் சிறுமைப்படுத்தும் வகையில் பேசுவது சரியல்ல என்று பதிலடி கொடுத்துள்ளார்.
முன்னதாக, லண்டனின் பொருளாதார வளர்ச்சி வெறும் 1 சதவீத அளவில் மட்டுமே இருக்கும் நிலையில், அங்கு சென்று முதலீடுகளை ஈர்ப்பது அவசியமற்றது என்று அண்ணாமலை விமர்சித்தார். மேலும், வெளிநாடுகளுக்குச் செல்வதற்குப் பதிலாக தமிழகத்தின் முக்கிய தொழில் நகரங்களான கோவை, மதுரை, கோவில்பட்டி போன்ற உள்மாவட்டங்களுக்குச் சென்று உள்ளூர் தொழில் அதிபர்களை நேரில் சந்தித்து, ஏற்கனவே இயங்கும் நிறுவனங்களை விரிவுபடுத்த ஊக்கத்தொகை மற்றும் வரிச் சலுகைகள் வழங்கலாம் என அவர் யோசனை தெரிவித்திருந்தார்.
எங்களை யாரும் பிரிக்க முடியாது.. வெளிநாட்டில் அரசியல் புள்ளியுடன் உலா வந்த நடிகை..!
அண்ணாமலையின் இந்தக் கருத்துக்களுக்குப் பதிலளித்துப் பேசிய அமைச்சர் மரிய வில்சன், “அண்ணாமலையை ஒரு முதிர்ச்சியான (Matured) அரசியல்வாதி என்று நினைத்தேன்; ஆனால் அவர் இவ்வாறு பேசுவது வருத்தமளிக்கிறது” என்றார். மேலும், தமிழகத்திற்குத் தேவையான உலகளாவிய முதலீடுகளை ஈர்ப்பதற்காக மேற்கொள்ளப்படும் அரசுப் பயணங்களைச் சிறுமைப்படுத்தும் வகையில் விமர்சிப்பதும், அதனை கிண்டல் செய்வதும் முறையல்ல என்றும் அவர் கண்டனம் தெரிவித்தார்.
