தமிழக முதல்வர் விஜய்யின் லண்டன் பயணம் தொழில் முதலீடுகளை ஈர்ப்பதற்கான சுற்றுப்பயணமா அல்லது வெறும் தனிப்பட்ட பயணமா என்று அதிமுக பொதுச்செயலாளர் எடப்பாடி பழனிசாமி வெளிப்படையாகக் கேள்வி எழுப்பியுள்ளார்.
முதல்வர் விஜய்யின் லண்டன் பயணம் தொழில் முதலீடுகளை ஈர்ப்பதற்கான அதிகாரப்பூர்வப் பயணமா அல்லது தனிப்பட்ட பயணமா என்பதில் வெளிப்படைத்தன்மை இல்லை என்று எடப்பாடி பழனிசாமி கடுமையாக விமர்சித்துள்ளார். மாநிலத்தின் தொழில் வளர்ச்சிக்காகச் செல்லும் போது அதற்கான முறையான முன்னெடுப்புகளும், துறை சார்ந்த அமைச்சர்களின் பங்கும் இருக்க வேண்டும் என்றும் அவர் கேள்வி எழுப்பியுள்ளார்.
சூடுபிடிக்கும் இடைத்தேர்தல்.. அதிகாரப்பூர்வமாக களமிறங்கும் முக்கியக் கட்சிகள்..!
லண்டனில் நடைபெற்ற மோட்டார் ஸ்போர்ட்ஸ் மற்றும் பந்தய நிகழ்வுகளில் ( Silverstone Le Mans Cup race) முதல்வர் கலந்துகொண்டதுடன், அங்கு நடிகர் அஜித் மற்றும் நடிகை த்ரிஷாவுடன் அவர் காண புகைப்படங்கள் வெளியானதைச் சுட்டிக்காட்டி, எதிர்க்கட்சிகள் இதனைப் பொதுவெளியில் விவாதப் பொருளாக்கியுள்ளன.
தமிழகத்தில் புதிய ஆட்சிப் பொறுப்பேற்றுள்ள நிலையில், அரசின் வெளிநாட்டுப் பயணங்கள் மற்றும் தொழில்துறை ஒப்பந்தங்கள் குறித்து எதிர்க்கட்சிகள் தொடர்ந்து வெள்ளை அறிக்கை கோரி வருவதுடன், இது அரசியல் களத்தில் பெரும் விவாதத்தையும் பரபரப்பையும் ஏற்படுத்தியுள்ளது.
