வரவிருக்கும் சட்டமன்றத் தேர்தல்களில் திமுக தலைமையிலான கூட்டணியில் விசிக தொடர்ந்து அங்கம் வகித்து வருவதோடு, தேர்தல் அரசியல் களத்தில் திமுக – அதிமுக இடையேயான இரு துருவ அரசியலே முக்கியமானது என்ற கருத்தை திருமாவளவன் தொடர்ந்து முன்வைத்து வருகிறார்.
எதிர்க்கட்சிகளும் சமூக வலைதள விவாதங்களும் திருமாவளவனை முதல்வர் வேட்பாளராக முன்னிறுத்துவது குறித்தும், திமுக கூட்டணிக்குள் குழப்பங்களை ஏற்படுத்த முயல்வது குறித்தும் அவ்வப்போது தகவல்கள் பரப்பப்பட்டாலும், விசிக தரப்பில் இதுகுறித்த தெளிவான விளக்கங்கள் அவ்வப்போது வழங்கப்பட்டு வருகின்றன.
லண்டன் போவதா? அண்ணாமலை எழுப்பிய கேள்வியும், அமைச்சரின் பதிலடியும்..!
முன்னதாக, அதிமுக தரப்பில் நடைபெற்ற சில உள் விவாதங்கள் மற்றும் ஆலோசனைகளின் போது, விசிக தலைவர் திருமாவளவனை முதலமைச்சர் வேட்பாளராக முன்னிறுத்துவது குறித்துப் பேசப்பட்டதாக எதிர்க்கட்சித் தலைவர்கள் சிலர் பகிரங்கமாகத் கருத்து தெரிவித்ததே இந்த விவாதங்கள் இணையத்தில் வைரலாகக் காரணமானது.
இது போன்ற பின்னணி விவாதங்கள் குறித்து தனக்கு எந்தவிதமான நேரடித் தகவலும் தெரியாது என்றும், தன் நெருங்கிய நண்பர்கள் மூலமாகவே இதைக் கேள்விப்பட்டதாகவும் திருமாவளவன் வெளிப்படையாகத் தெரிவித்தார். மேலும், வதந்திகளையும் ஊடக விவாதங்களையும் கடந்து தனது அரசியல் நிலைப்பாட்டில் தெளிவாக இருப்பதாகவும் அவர் விளக்கமளித்திருந்தது குறிப்பிடத்தக்கது.
