கர்நாடகாவின் புகழ்பெற்ற சிக்கன் தொன்னை பிரியாணி (Chicken Donne Biryani), அதன் தனித்துவமான பச்சை நிற மசாலா மற்றும் சீரக சம்பா அரிசியின் மணத்திற்காக மிகவும் பிரபலம். இதை வீட்டிலேயே ஹோட்டல் சுவையில் செய்வது எப்படி என்று பார்க்கலாம்.
தேவையான பொருட்கள்
சிக்கன் ஊறவைக்க
- சிக்கன் (எலும்புடன்) – 500 கிராம்
- தயிர் – 1/2 கப்
- மஞ்சள் தூள் – 1/2 டீஸ்பூன்
- உப்பு – தேவையான அளவு
பச்சை மசாலா அரைக்க (மிக முக்கியம்)
- சிறிய வெங்காயம் – 10
- பூண்டு – 10 பற்கள்
- இஞ்சி – 1 அங்குலத் துண்டு
- பச்சை மிளகாய் – 5 முதல் 7 (காரத்திற்கு ஏற்ப)
- புதினா – ஒரு கைப்பிடி
- மல்லித்தழை – ஒரு கைப்பிடி
தாளிக்க மற்றும் பிரியாணி செய்ய
- சீரக சம்பா அரிசி – 2 கப் (30 நிமிடம் ஊறவைத்தது)
- எண்ணெய் + நெய் – தலா 3 டேபிள் ஸ்பூன்
- பட்டை, கிராம்பு, ஏலக்காய், கல்பாசி, மராட்டி மொக்கு, பிரிஞ்சி இலை – தாளிக்க
- பெரிய வெங்காயம் – 2 (நீளமாக நறுக்கியது)
- தக்காளி – 1 (சிறியது)
செய்முறை
Step 1: சிக்கனை மஞ்சள் தூள், உப்பு, தயிர் சேர்த்து 30 நிமிடம் ஊறவைக்கவும். பச்சை மசாலாவுக்குக் கொடுத்துள்ள பொருட்கள் அனைத்தையும் மிக்சியில் போட்டு, சிறிதளவு தண்ணீர் சேர்த்து நைசாக அரைத்துக்கொள்ளவும். இதுவே பிரியாணிக்கு நல்ல நிறத்தையும் மணத்தையும் கொடுக்கும்.
Step 2: குக்கரில் அல்லது கனமான பாத்திரத்தில் எண்ணெய் மற்றும் நெய் ஊற்றிக் காய்ந்ததும், தாளிக்கக் கொடுத்துள்ள மசாலாப் பொருட்களைச் சேர்க்கவும். பின் நறுக்கிய வெங்காயத்தைச் சேர்த்து பொன்னிறமாகும் வரை வதக்கவும்.
Step 3: தக்காளி சேர்த்து வதங்கியதும், அரைத்து வைத்துள்ள பச்சை மசாலா விழுதைச் சேர்த்து, பச்சை வாசனை போகும் வரை நன்கு வதக்கவும். ஊறவைத்த சிக்கனைச் சேர்த்து 5-7 நிமிடங்கள் நன்கு வதக்கவும்.
15 நிமிடத்தில் குறைந்த எண்ணெயில் ஆரோக்கியமான ஸ்நாக்ஸ்..!
Step 4: 2 கப் அரிசிக்கு 3 முதல் 3.5 கப் தண்ணீர் ஊற்றி கொதிக்க விடவும். தண்ணீர் கொதிக்கும் போது ஊறவைத்த சீரக சம்பா அரிசியைச் சேர்த்து நன்கு கிளறவும். குக்கரை மூடி, மிதமான தீயில் வைத்து 2 விசில் விடவும் (அல்லது பாத்திரத்தில் செய்வதாக இருந்தால் 20 நிமிடம் குறைந்த தீயில் வேக வைக்கவும்).
அடுப்பை அணைத்துவிட்டு, 20 நிமிடம் கழித்துத் திறக்கவும். மேலே சிறிது நெய் தூவி மெதுவாகக் கிளறினால், ஹோட்டல் சுவையில் சிக்கன் தொன்னை பிரியாணி தயார்!
