நண்பனுக்காகக் கேட்ட கேள்வி; கொலைவெறித் தாக்குதலில் ஈடுபட்ட இருவர் மீது வழக்குப் பதிவு.கோவை இடிகரை டாஸ்மாக் கடை அருகே, நண்பனுக்காகச் சமாதானம் பேசச் சென்ற வாலிபரை பீர் பாட்டிலால் அடித்து மண்டையை உடைத்து, கொலை மிரட்டல் விடுத்த வழக்கில் இரண்டு வாலிபர்கள் மீது காவல் துறையினர் வழக்குப்பதிவு செய்து உள்ளனர்.
கோவை, கோவிந்தநாயக்கன்பாளையத்தைச் சேர்ந்த ராஜ்குமார் (35) என்பவரின் நண்பர் அசோக் என்பவரை, சென்னமநாயக்கன்பாளையத்தைச் சேர்ந்த முகேஷ் (23) என்பவர் கடந்த சில தினங்களுக்கு முன்பு தாக்கியதாகத் தெரிகிறது. இதுகுறித்து ராஜ்குமார், முகேஷைத் தொடர்புகொண்டு நியாயம் கேட்டு உள்ளார்.
இதனால் ஆத்திரம் அடைந்த குற்றவாளிகள் முகேஷ், கடந்த ஜூன் 6-ஆம் தேதி இரவு ராஜ்குமாரை போனில் தொடர்புகொண்டு, இடிகரை டாஸ்மாக் கடை அருகே நேரில் வந்தால் சமாதானம் பேசிக்கொள்ளலாம் என சதித்திட்டத்துடன் அழைத்து உள்ளார்.
இதனை நம்பி அன்று இரவு சுமார் 9:15 மணி அளவில் ராஜ்குமார் இடிகரை டாஸ்மாக் கடை அருகே சென்ற போது, அங்கு கார்த்திகேயன் (25) என்பவருடன் தயாராகக் காத்து இருந்த முகேஷ், ராஜ்குமாரை ஆபாச வார்த்தைகளால் திட்டித் தீர்த்து உள்ளார்.
போதை ஆசாமியை ‘ஃபுல் எனர்ஜியோடு’ தள்ளிவிட்ட வாலிபர்.. அதிர்ச்சி மோதல்..!
“உனது நண்பன் அசோக்குடன் சேர்ந்து கொண்டு என்னைப் பற்றி போலீஸ் ஸ்டேஷனில் புகார் கொடுக்கப் பார்க்கிறாயா ?” எனக் கூச்சலிட்டவாறே, தான் கையில் வைத்து இருந்த பீர் பாட்டிலால் ராஜ்குமாரின் நடுமண்டையில் ஓங்கி அடித்து உள்ளார்.இதில் பலத்த ரத்தக் காயம் அடைந்த ராஜ்குமார் அலறி உள்ளார். சத்தம் கேட்டு சுற்றி இருந்த பொதுமக்கள் ஓடி வருவதைக் கண்ட இருவரும், “இனிமேல் என் விஷயத்தில் தலையிட்டால் உன்னை இந்த பீர் பாட்டிலாலேயே குத்திக் கொலை செய்து விடுவேன்” என கொலை மிரட்டல் விடுத்து விட்டு சம்பவ இடத்தில் இருந்து தப்பியோடினர்.
இதை அடுத்து, ரத்த வெள்ளத்தில் இருந்த ராஜ்குமார் உடனடியாகப் பெரியநாயக்கன்பாளையம் அரசு மருத்துவமனைக்குச் சென்று அவசரச் சிகிச்சை பெற்றுக் கொண்டார்.பின்னர், காவல் நிலைய எல்லைக்கு உட்பட்ட இடிகரை டாஸ்மாக் பகுதியில் இருந்து சுமார் 6 கிலோ மீட்டர் தொலைவில் உள்ள காவல் நிலையத்திற்கு ஜூன் 7-ஆம் தேதி மதியம் நேரில் ஆஜராகி, நடந்த கொடூர சம்பவம் குறித்து புகார் அளித்தார்.
அதன் பேரில், ராமநாதபுரம் கமுதி பகுதியைச் சேர்ந்த கூலித் தொழிலாளி முகேஷ் மற்றும் அவரது நண்பர் கார்த்திகேயன் ஆகிய இருவர் மீதும் வழக்குப் பதிவு செய்யப்பட்டு உள்ளது.தலைமறைவாக உள்ள இந்த இரட்டை குற்றவாளிகளை வலைவீசித் தேடும் பணியில் போலீசார் தற்போது தீவிரமாக இறங்கி உள்ளனர்.
