தமிழக முதலமைச்சராக தமிழக வெற்றிக் கழக தலைவர் விஜய் பொறுப்பேற்றுக்கொண்டு கிட்டத்தட்ட ஒரு மாதம் ஆகப்போகிறது. இப்படி இருக்கையில், அவரது ஆட்சி மற்றும் அவரது நடவடிக்கைகள் குறித்த விமர்சனங்களை எதிர்க்கட்சிகள் தொடர்ந்து முன்வைத்தே வருகிறார்கள்.
இந்நிலையில், நாம் தமிழர் கட்சி தலைமை ஒருங்கிணைப்பாளர் சீமான் தேனிசை செல்லப்பாவுக்கான புகழ் வணக்க கூட்டத்தில் முதலமைச்சர் விஜயை மிகவும் காட்டமாக விமர்சித்து இருந்தார். அதில், விஜய் நடித்த 69 படங்களில் ஒரு நல்ல படம் இருக்கிறதா? ஐயா ரஜினிக்கு 50 நல்ல படங்கள் இருக்கு அண்ணன் கமலுக்கு 100 நல்ல படங்கள் இருக்கிறது.
திருச்சி கிழக்கில் ராகவா லாரன்ஸ் போட்டி?.. ஜூன் 11-ல் முக்கிய அறிவிப்பு..!
ஐயா எம்ஜிஆர்க்கு பெண்களை மதிக்கிற ஒழுக்கத்தை போதிக்கிற சுமார் 300 நல்ல பாடல்கள் இருக்கிறது. 69 படத்துல ஒரு படம் கூட நல்ல படம் தராதவர் எப்படி நல்லாட்சி தருவார் என்று இந்த மக்கள் நம்பினார்கள் என்று கேள்வி எழுப்பியுள்ளார். மேலும், அவரது பேச்சு ஒருமையில் இருந்ததால், பலரும் சீமானுக்கு எதிராக விமர்சனங்களை முன்வைத்து வருகின்றனர்.
அதேபோல், விஜயின் கத்தி, சர்க்கார், மெர்சல் உள்ளிட்ட படங்களை சீமான் முன்னதாக பாராட்டி ஆதரித்து இருந்ததை பலரும் சுட்டிக்காட்டி சீமானுக்கு எதிராகவும் கேள்விகளை எழுப்பி வருவது குறிப்பிடத்தக்கது.
