காலை டிபனுக்கு டைம் இல்ல ஆனா இட்லி, தோசைக்கு சட்னி செஞ்சே ஆக வேண்டிய நிலை. இந்த மாதிரி நிலையில், ஈஸியான சட்னி வித்தியாசமான சுவையுடன் குறைந்த நேரத்தில், நீங்கள் தயார் செய்யலாம். அதற்கு தேங்காய் சட்னியின் சுவை கொண்ட பச்சைமிளகாய் சட்னியை செய்து கொடுங்கள். இந்த சட்னியில், பச்சை மிளகாய் சற்று அதிகமாக சேர்க்க வேண்டும்.
உடல் எடையை டக்கென்று குறைக்க உதவும் ஆம்லெட்.. ட்ரை பண்ணி பாருங்க..!
ஆனால், இந்த பச்சை மிளகாயின் காரம் தெரியாமல் இருக்க அதை எண்ணெயில் நன்கு வதக்க வேண்டும். இப்படி செய்யும் போது பச்சை மிளகாயின் ஃப்ளேவர் இருக்குமே தவிர காரம் அதிகம் இருக்காது. இந்த சட்னியை வீட்டில் உள்ள அனைவரும் அதிகமாக சாப்பிடுவார்கள். இந்த சட்னி எப்படி செய்வது என்பது குறித்து இந்த பதிவில் தெரிந்து கொள்வோம்.
தேவையான பொருட்கள்
- இரண்டு டீஸ்பூன் எண்ணெய்,
- 2 டீஸ்பூன் கடலைப்பருப்பு
- ஒரு டீஸ்பூன் உளுத்தம் பருப்பு
- ஐந்து பச்சை மிளகாய்
- 25 சின்ன வெங்காயம்
- ஐந்து பெரிய பல் பூண்டு
- ஒரு கொத்து கருவேப்பிலை
- சிறிய துண்டு புளி
- கால் கப் துருவிய தேங்காய்
- சிறிது கொத்துமல்லி
- சுவைக்கு ஏற்ப உப்பு
- சிறிது தண்ணீர்
தாளிப்பதற்கு,
- ஒரு டீஸ்பூன் எண்ணெய்
- ½ டீஸ்பூன் கடுகு
- அரை டீஸ்பூன் உளுத்தம்பருப்பு
- ஒரு கொத்து கருவேப்பிலை
- சிறிது பெருங்காயத்தூள்
செய்முறை
Step 1: முதலில் ஒரு கடாயை அடுப்பில் வைத்து அதில் எண்ணெயை ஊற்றி இரண்டு டேபிள் ஸ்பூன் கடலைப்பருப்பு ஒரு டீஸ்பூன் உளுத்தம்பருப்பு சேர்த்து பொன்னிறமாக நன்றாக வறுத்துக் கொள்ள வேண்டும். அதில் 5 பச்சை மிளகாய் உடைத்து சேர்த்து வெள்ளையாகும் வரை நன்றாக வதக்க வேண்டும்.
Step 2: பின்னர் அதில் ஐந்து சின்ன வெங்காயம் ஐந்து பல் பூண்டு ஒரு கொத்து கருவேப்பிலை சேர்த்து நன்கு கண்ணாடி பதத்திற்கு வதக்க வேண்டும். அடுத்து சிறிய துண்டு புளியை சேர்த்து அத்துடன் 3 டேபிள்ஸ்பூன் தேங்காய் சேர்த்து வதக்க வேண்டும். பின்னர், அதில் சிறிய கொத்து கொத்தமல்லியை சேர்த்து ஒரு முறை வதக்கி இறக்கி குளிர வைக்க வேண்டும்.
Step 3: பிறகு மிக்ஸர் ஜாரில் வதக்கிய பொருட்களை சேர்த்து அத்துடன் சுவைக்கேற்ப உப்பு சேர்த்து சிறிது நீரை ஊற்றி சற்று அரைத்துக் கொள்ள வேண்டும். பின்பு அரைத்து சட்னியை ஒரு கிண்ணத்தில் எடுத்துக் கொண்டு தேவையான அளவு நீரை ஊற்றி கலந்து கொள்ள வேண்டும்.
Step 4: இறுதியாக ஒரு வானொலியை அடுப்பில் வைத்து அதில், தாளிப்பதற்கு ஒரு டீஸ்பூன் எண்ணெய் ஊற்றி சூடானதும் கடுகு, உளுத்தம் பருப்பு, கருவேப்பிலை மற்றும் சிறிது பெருங்காயத்தூள் சேர்த்து தாளித்து சட்னியுடன் சேர்த்து கலந்தால் பச்சை மிளகாய் சட்னி ரெடி.
