டயட்டில் இருப்பவரா நீங்கள்? உங்கள் டயட்டில் பெரும்பாலும் காலை உணவுகளானது சுவை இல்லாமல் சப்பென்று இருக்கிறதா? அப்படியானால், புரோட்டின் நார்ச்சத்துக்கள் அதிகம் நிறைந்த இந்த ஆம்லெட்டை செய்து சாப்பிடுங்கள். இந்த ஆம்லெட் சுவையாக இருப்பதோடு, உடல் எடையை குறைக்க பெரிதும் உதவி புரிகிறது. குறிப்பாக, இந்த பன்னீர் ஆம்லெட்டை காலை வேளையில் சாப்பிட்டால் நீண்ட நேரம் வயிறு நிரம்பி இருக்கும் உணர்வு ஏற்படும். அதோடு, உடலுக்கு வேண்டிய அத்தியாவசிய சத்துக்களும் கிடைக்கிறது. மேலும், இந்த ஆம்லெட்டை காலை உணவாகவும் கொடுக்கலாம்.
தேவையான பொருட்கள்
- 100 கிராம் பன்னீர்
- சிறிது உப்பு
- மூன்று முட்டை
- மூன்று டீஸ்பூன் எண்ணெய்
- பொடியாக நறுக்கிய ஒரு பச்சை மிளகாய்
- பொடியாக நறுக்கிய ஒரு பெரிய வெங்காயம்
- ஒரு துருவிய கேரட்
- ஒரு கொத்து பொடியாக நறுக்கிய கருவேப்பிலை
- சிறிது பொடியாக நறுக்கிய கொத்துமல்லி
- அரை டீஸ்பூன் மிளகுத்தூள்
செய்முறை
Step 1: முதலில் பன்னீர் துண்டுகளை மிக்ஸி ஜாரில் சேர்த்து சிறிது உப்பு தூவி நன்கு அரைத்துக் கொள்ளவும். பின்னர், அதில் மூன்று முட்டைகளை உடைத்து ஊற்றி நன்கு மென்மையாக அரைத்துக் கொள்ள வேண்டும். அதன் பின் அதில், ஒரு டீஸ்பூன் எண்ணெய் ஊற்றி நன்கு ஒருமுறை அரைத்து ஒரு பாத்திரத்தில் ஊற்றிக் கொள்ள வேண்டும்.
கொளுத்துற வெயிலுக்கு குளுகுளு ட்ரீட்.. சுவையான ஐஸ்கிரீம் வீட்டிலேயே தயார்..!
Step 2: பின்னர், ஒரு கடாயை அடுப்பில் வைத்து அதில், இரண்டு டீஸ்பூன் எண்ணெய் ஊற்றி சூடானதும் பொடியாக நறுக்கிய பச்சை மிளகாயை சேர்த்து வதக்க வேண்டும். அதில், பொடியாக நறுக்கிய வெங்காயத்தையும் சேர்க்க வேண்டும். நன்றாக வதக்க வேண்டும்.
Step 3: அதில், துருவிய கேரட்டை சேர்த்து நன்கு வதக்கி அதன் பின்னர் பொடியாக நறுக்கிய கருவேப்பிலை மற்றும் கொத்தமல்லியை சேர்த்து ஒரு முறை வதக்கி இறக்கி குளிர வைக்க வேண்டும்.
Step 4: பின் வதக்கிய பொருட்களை அரைத்து வைத்துள்ள முட்டை கலவையுடன் சேர்த்து கலந்து கொள்ள வேண்டும். இறுதியாக தோசை கல்லை அடுப்பில் வைத்து சிறிது எண்ணெய் ஊற்றி கலந்து வைத்துள்ள முட்டை கலவையை ஒரு கரண்டி எடுத்து ஊற்றி பரப்பி முன்னும் பின்னும் வேகவைத்து எடுத்தால் வெயிட் லாஸ் ஆம்லெட் ரெடி.
