கோடை காலத்தில் அனைவருக்குமே உடல் வெப்பத்தை குறைக்க குளுகுளுவென்று ஐஸ்கிரீம் சாப்பிட தோன்றும். அதுவும், வீட்டில் குழந்தைகள் இருந்தால் எத்தனை ஐஸ்கிரீம் வாங்கி கொடுத்தாலும் கட்டுபடியாகது. ஆனால், இந்த ஐஸ்கிரீமை ஆரோக்கியமான முறையில் வீட்டிலே செய்யலாம்.
தேவையான பொருட்கள்
- மூணு கப் ஃபுல் க்ரீம் மில்க் / ஹெவி கிரீம் மில்க்
- ஐந்து பொடி செய்த ஏலக்காய்
- மூன்று துண்டு மில்க் பிரட்
- விருப்பம் இருந்தால் சிறிதளவு குங்குமப்பூ
- சிறிது பொடித்த நட்ஸ்
சளி, இருமலுக்கு உடனடி தீர்வு.. உடலின் நச்சுக்களை நீக்கும் “லெமன் கிராஸ் ரசம்”..!
செய்முறை
Step 1: மிக்ஸி ஜாரில் மூன்று கப் புல் க்ரீம் மில்க் அல்லது ஹெவி கிரீம் மில்க்கை எடுத்து அதனுடன் ஒரு கப் கண்டென்ஸ்ட் மில்க்கை சேர்க்கவும். விருப்பமிருந்தால், அதனுடன் குங்குமப்பூவை சேர்த்துக் கொள்ளலாம்.
Step 2: பொடி செய்த ஏலக்காய் மூன்று பிரட் துண்டுகளை சேர்த்து பல்ஸ் மோடில் அடித்துக் கொள்ள வேண்டும். இது ஐஸ்கிரீம் போன்று கெட்டியாக வரவேண்டும். பின்னர், ஒரு மூடியை கொண்ட பாத்திரத்தை எடுத்து அதனுள் ஒரு கவரை விரித்து அதன் மேல் அடித்து வைத்துள்ள ஐஸ்கிரீமை சேர்த்து சமமாக பரப்பி மூடி வைத்து ஃப்ரீசரில் 12 மணி நேரம் வைத்திருக்க வேண்டும்.
Step 3: இல்லாவிட்டால் இந்த ஐஸ்கிரீம் மோடில் ஊற்றியும் எடுக்கலாம். ஐஸ்கிரீம் செட் ஆனதும் அதை வெளியே எடுத்து ஒரு முறை குழாய் நீரில் அலாசிய பின் மூடியைத் திறந்து கவிழ்த்து போட்டு கவரை நீக்கி கத்தியால் துண்டு துண்டுகளாக வெட்டி மேலே பொடியாக்கப்பட்ட நட்ஸ்களைத் தூவினால் சுவையான மலாய் ஐஸ்கிரீம் ரெடி.
