ரசம் என்பது ஆரோக்கியமானது என அனைவரும் அறிந்த விஷயமே. இது உடலுக்கு பல நன்மைகளை தரும். ரசத்தில் பல மூலிகைப் பொருட்கள் மற்றும் மசாலா பொருட்களை சேர்த்து செய்வார்கள். காய்ச்சல், சளி, இரும்பல் போன்ற நோய் தொற்றுகள் ஏற்படும் போது ரசம் வைத்து சாப்பிட்டால் உடலுக்கு இதமாக இருக்கும்.
நாவூறும் ‘கிரீமி’ தயிர் சாதம் இனி வீட்டிலேயே செய்யலாம்.. இதோ சீக்ரெட் டிப்ஸ்..!
மிளகு ரசம், தக்காளி ரசம், தேங்காய்ப்பால் ரசம், போன்ற ரசங்களை நாம் சாப்பிட்டிருப்போம். ஆனால், வித்தியாசமான லெமன் கிராஸ் ரசத்தை குடித்தால், அது உடலுக்கு பல நன்மைகளை தரும். சூப்பரான டேஸ்ட்ல உடலுக்கு ஆரோக்கியத்தை அள்ளித் தரும். லெமன் கிராஸ் ரசம் எப்படி மணக்க மணக்க செய்ய வேண்டும் என்பது குறித்து இந்த பதிவில் தெரிந்து கொள்வோம்.
தேவையான பொருட்கள்
லெமன் கிராஸ், தேங்காய், புளி, பூண்டு, சீரகம், மிளகு, கடுகு, மிளகாய் தூள், பெருங்காயப்பொடி, மஞ்சள் தூள், சின்ன வெங்காயம், பச்சை மிளகாய், கொத்தமல்லி.
செய்முறை
Step 1: ரசம் செய்ய தேங்காயை உடைத்து எடுத்து மிக்ஸியில் போட்டு அரைத்து அதன் பாலை தனியாக எடுத்து வைத்துக் கொள்ளவும். பின்னர், லெமன் கிராஸ், பூண்டு, சீரகம், மிளகு ஆகியவற்றை எடுத்து தனியே எடுத்து புளியை கரைத்து வைத்துக் கொள்ள வேண்டும்.
Step 2: நறுக்கிய தக்காளி, பெருங்காயப்பொடி, மஞ்சள் தூள் சேர்த்து அதில், புளியை கரைத்து நீரை உற்றி தேங்காய் பால் மற்றும் உப்பு சேர்த்து நன்றாக கலக்கவும். உப்பு நன்றாக கரைய வேண்டும்.
Step 3: பின்னர், அடுப்பில் பாத்திரம் வைத்து கடுகு, சின்ன வெங்காயம், கருவேப்பிலை, பச்சை மிளகாய், இடித்து வைத்த லெமன் கிராஸ், ஆகியவற்றை சேர்க்கவும். பின்னர் புளி மற்றும் தேங்காய் பால் கலந்து வைத்ததை இதில், சேர்த்துக் கொண்டு மேலும், கொஞ்சம் தேங்காய்ப்பால் ஊற்றி வைத்து மூன்று நிமிடம் கொதிக்க வைத்து கொத்துமல்லி சேர்த்து இறக்கினால் லெமன் கிராஸ் ரசம் ரெடி.
