சென்னை கொரட்டூரைச் சேர்ந்த கருணாநிதி, சாலிகிராமத்தைச் சேர்ந்த சரவணன் மற்றும் பள்ளிக்கரணையைச் சேர்ந்த வினோத் ஆகிய மூன்று நபர்களிடமிருந்து சுமார் ரூ. 2 கோடி ரொக்கம் காவல்துறையினரால் பறிமுதல் செய்யப்பட்டுள்ளது. த.வெ.க எம்.எல்.ஏ.க்களைக் குறிவைத்து ஆட்சியைக் கவிழ்க்கும் நோக்கில் ‘குதிரை பேரம்’ (Horse Trading) நடத்தப்பட்டதாகக் குற்றச்சாட்டுகள் எழுந்துள்ளன.
கிருஷ்ணகிரி மாவட்டம், ஊத்தங்கரை த.வெ.க எம்.எல்.ஏ. இளையராஜாவிடம், சபாநாயகருக்கு எதிரான தீர்மானத்திற்கு ஆதரவாக வாக்களிக்கக் கோரி, ரூ. 35 கோடி வரை பேரம் பேசப்பட்டுள்ளது. அதற்கு அவர் மறுப்பு தெரிவித்து, சென்னை திருவல்லிக்கேணி காவல்துறையில் புகார் அளித்துள்ளார்.
பழனி கோயில் நிலம் ஆக்கிரமிப்பு.. அரசு எடுக்கவுள்ள முக்கிய முடிவுகள் இதோ..!
இந்தப் புகாரின் அடிப்படையில் ஐபிடிஎஸ் (IPDS) நிறுவன உரிமையாளர் திருநாவுக்கரசு உட்பட இதுவரை 10-க்கும் மேற்பட்டவர்கள் கைது செய்யப்பட்டுள்ளனர். கைதானவர்களில் சிலரது ஜாமீன் மனுக்களை சென்னை நீதிமன்றம் நிராகரித்துள்ளது. ஏற்கனவே கைதானவர்களிடம் நடத்தப்பட்ட விசாரணையின் தொடர்ச்சியாக, தற்போது புதிதாகப் பிடிபட்ட 3 பேரிடமும் காவல்துறையினர் தீவிர விசாரணை நடத்தி வருகின்றனர். இந்த விவகாரம் த.வெ.க அரசிற்கும், எதிர்க்கட்சிகளுக்கும் இடையே கடும் மோதலை உருவாக்கியுள்ளது.
