சட்டசபையில் முதல்வர் விஜய் சொன்ன குட்டிக்கதை: எடப்பாடி பழனிசாமி சிரிப்பு
சட்டசபை நிறைவு நாளில், முதல்வர் விஜய் திமுகவை கடுமையாக விமர்சித்ததால் உதயநிதி ஸ்டாலின் தலைமையில் திமுகவினர் வெளிநடப்பு செய்தனர். தொடர்ந்து பேசிய முதல்வர் விஜய், சபாநாயகரிடம் அனுமதி பெற்று ஒரு குட்டிக்கதையை கூறினார்.
“ஒரு பெரியவர் வெயிலில் கையை மறைத்து யாரையோ தேடிக்கொண்டிருந்தார். ஒரு சிறுவன் என்ன தேடுகிறீர்கள் எனக் கேட்க, ‘உங்க அப்பாவை இங்கே தான் இருக்கும்னு சொன்னாங்க, அவரை தான் தேடுறேன், காணோம்’ என்று பெரியவர் கூறினார்” என கதையை முடித்தார்.
முதலமைச்சர் பேச்சை புறக்கணித்த எதிர்க்கட்சிகள்.. திமுக அதிரடி வெளிநடப்பு..!
திமுகவினரை நக்கல் செய்யும் வகையில் அமைந்த இந்த கதையைக் கேட்டு, அவையிலிருந்த அதிமுக பொதுச்செயலாளர் எடப்பாடி பழனிசாமி மற்றும் அதிமுக, காங்கிரஸ் எம்.எல்.ஏ.க்கள் சிரித்தனர். “சம்மந்தம் இல்லாமல் நக்கல், நையாண்டியாக கதை சொல்ல எங்களுக்கும் தெரியும், யாரும் டென்ஷன் ஆக வேண்டாம்” என்று விஜய் கிண்டலாகக் குறிப்பிட்டார்.
