நடிகை கீர்த்தி சுரேஷ் மற்றும் இயக்குனர்/நடிகர் மிஷ்கின் இணைந்து நடித்துள்ள ‘சத்யவான் சாவித்ரி’ திரைப்படத்தின் ரிலீஸ் தேதி அதிகாரப்பூர்வமாக அறிவிக்கப்பட்டுள்ளது. இத்திரைப்படம் அடுத்த மாதம் ஜூலை 24-ஆம் தேதி உலகம் முழுவதும் திரையரங்குகளில் வெளியாகிறது.
பிரவீன் எஸ். விஜய் இயக்கத்தில், சாம் சி.எஸ் இசையமைப்பில் உருவாகியுள்ள இத்திரைப்படம் ஒரு விறுவிறுப்பான ‘கோர்ட் ரூம் டிராமா’ (Courtroom Drama) பாணியில் உருவாகியுள்ளது. கீர்த்தி சுரேஷ் மற்றும் மிஷ்கின் இருவரும் கோர்ட்டில் வாதாடும் காட்சிகள் அனல் பறக்கும் வகையில் படமாக்கப்பட்டுள்ளதாகக் கூறப்படுகிறது.
₹25 கோடி சொத்து மோசடி வழக்கு.. கௌதமி கொடுத்த புகார்..!
‘நடிகையர் திலகம்’ படத்திற்குப் பிறகு கீர்த்தி சுரேஷ் நடிப்பில் வெளியான ‘ரகு தாத்தா’, ‘ரிவால்வர் ரீட்டா’ போன்ற படங்கள் எதிர்பார்த்த வெற்றியைப் பெறவில்லை. எனவே, மிகவும் மவுசுள்ள கோர்ட் ரூம் டிராமா பாணியில் வரும் இந்த ‘சத்யவான் சாவித்ரி’ திரைப்படம் அவருக்கு ஒரு பலமான கம்பேக் படமாக அமையும் என ரசிகர்கள் எதிர்பார்க்கின்றனர்.
இப்படம் ஜூலை 24-ல் வெளியாகும் நிலையில், இதற்கு அடுத்த வாரமே (ஜூலை 31-ல்) விஜய் மகன் ஜேசன் சஞ்சய் இயக்கத்தில் உருவாகும் ‘சிக்மா’ திரைப்படம் வெளியாகவுள்ளது குறிப்பிடத்தக்கது.
