பிரபல நடிகையும், கிரிக்கெட் வீரர் ஹர்திக் பாண்டியாவின் முன்னாள் காதலியுமான எல்லி அவ்ராம் (Elli AvrRam) தனக்கு நேர்ந்த காஸ்டிங் கவுச் (Casting Couch) அனுபவம் குறித்து மனம் திறந்து பேசியுள்ளது. ஸ்வீடன் நாட்டைச் சேர்ந்த நடிகையும், பாலிவுட் பிரபலமுமான எல்லி அவ்ராம், சினிமா வாய்ப்புகளைத் தேடிய ஆரம்ப காலத்தில் தான் எதிர்கொண்ட மோசமான அனுபவத்தைப் பகிரங்கமாகப் பகிர்ந்துள்ளார்.
ஊடகம் ஒன்றிற்கு அளித்த பேட்டியில் பேசிய அவர், திரைத்துறையில் செல்வாக்கு மிக்க ஒருவரைச் சந்தித்தபோது, அந்த நபர் தனது தொழில்முறைத் திறமைகளைப் பற்றிப் பேசாமல் மிகவும் தனிப்பட்ட மற்றும் அதிர்ச்சியளிக்கும் வகையில் கேள்விகளைக் கேட்டதாகத் தெரிவித்தார்.
காட்டுப்பன்றிக்காக வைக்கப்பட்ட நாட்டு வெடியைக் கடித்த காளை மாடு – முதியவர் கைது..!
குறிப்பாக, வெளிநாட்டைச் சேர்ந்தவர் என்பதால் பெண்களைத் தவறான கண்ணோட்டத்துடனும் பொதுவான எண்ணத்துடனும் அணுகிய அந்த நபரின் போக்கு தனக்கு மிகுந்த அவமானத்தையும் மனவேதனையையும் தந்ததாக அவர் குறிப்பிட்டுள்ளார். திறமையையும் உழைப்பையும் தாண்டி, நடிகைகளின் தனிப்பட்ட வாழ்க்கையை மையமாக வைத்து அவர்களை அணுகும் இதுபோன்ற அத்துமீறல்கள் எந்த வகையிலும் ஏற்றுக்கொள்ள முடியாதது என்று எல்லி அவ்ராம் கூறியுள்ளார்.
