முன்னோர்களால் அதிகம் உட்கொள்ளப்பட்டு வந்தது கொள்ளு பருப்பு இந்த கொள்ளு பருப்பு தென்னிந்தியாவில் பரவலாக பயிரிடப்பட்டு புரதச்சத்து நிறைந்த ஒரு பயிர் வகையாகும். இதில், கால்ஷியம், நார்ச்சத்து, புரோட்டின், இரும்புச்சத்து, சக்தி வாய்ந்த ஆன்ட்டி ஆக்ஸிடென்ட்கள் மற்றும் சில முக்கிய ஊட்டச்சத்துகளும் நிறைந்து இருக்கின்றன.
எடை இழப்பு
உயிருக்கு ஆபத்து இல்ல.. ஆனா?.. பிரியாணியோடு ‘இந்த’ உணவுகளை சேர்க்க கூடாது..!
இதில், நிறைய நார்ச்சத்து ஏராளமான அளவில் இருக்கிறது. இது உடலில் உள்ள கெட்ட கொழுப்பை குறைக்க உதவி புரிகிறது. உடல் எடை குறைக்க விரும்புபவர்கள் இதனை உட்கொள்வதன் மூலம் நீண்ட நேரம் வயிறு நிரம்பி இருப்பதால் பிற உணவுகளின் மீது நாட்டமும் குறைகிறது. அதோடு, இது செரிமானத்தையும் வளர்ச்சிதை மாற்றத்தையும் மேம்படுத்துகிறது. அதற்கு, கொள்ளுவை சூப்பராகவோ, ரசமாகவோ, துவையலாகவோ சாப்பிடலாம்.
நோய் எதிர்ப்பு சக்தி அதிகரிக்கும்
இதில், இருக்கக்கூடிய சக்தி வாய்ந்த ஆன்ட்டி ஆக்ஸிடென்ட்கள் மற்றும் இரும்பு சத்து உடலில் நோய் எதிர்ப்பு மண்டலத்தை மேம்படுத்தி நோய் தொற்றுகளில் அபாயத்தை குறைக்கிறது. எனவே, சளி, காய்ச்சல் பிடித்திருக்கும் போது உடலில் நோய் எதிர்ப்பு சக்தியை அதிகரிக்க கொள்ளு ரசம் அல்லது கொள்ளு சூப் குடிப்பது சிறந்த தேர்வாகும்.
ரத்த சர்க்கரையை கட்டுப்படுத்தும்
கொள்ளுவில் இருக்கக்கூடிய சத்துக்கள் ரத்தத்தில் குளுக்கோஸ் வெளியிடுவதை மெதுவாக்குவதால், இரத்த சர்க்கரை சட்டை என்று அதிகரிப்பது கட்டுப்படுகிறது. எனவே, கொள்ளு பருப்பு சர்க்கரை நோயாளிகளுக்கு ஏற்ற மிகச்சிறந்த உணவாகும்.
செரிமானத்தை மேம்படுத்தும்
செரிமான மண்டலத்தை ஆரோக்கியமாக வைத்துக்கொள்ள கொள்ளு பருப்பை உட்கொள்ளலாம். குறிப்பாக, மலச்சிக்கல் அசிடிட்டி மற்றும் வயிறு உப்புசம் போன்றவற்றை தடுக்க இது பெரிதும் உதவி பெறுகிறது. ஏனெனில், இதில் நார்ச்சத்து ஏராளமான அளவில் இருக்கிறது. இது குடல் இயக்கத்தின் செயல்பாட்டை சீராக்கி செரிமானம் தொடர்பான பிரச்சனைகள் வராமல் தடுக்க உதவி புரிகிறது.
இதய ஆரோக்கியத்தை மேம்படுத்துகிறது
கொள்ளு பருப்பு உடலில் உள்ள கெட்ட கொழுப்பின் அளவை குறைத்து நல்ல கொழுப்பின் அளவை அதிகரிக்கிறது. இதன் விளைவாக இதய ஆரோக்கியம் மேம்படுகிறது.
சிறுநீரக கற்கள் தடுக்கப்படும்
கொள்ளு பருப்பு சித்த மருத்துவத்தில் சிறுநீரகக் கற்களை கரைப்பதற்கு பரிந்துரைக்கப்படுகிறது. இது சிறுநீர் பெருக்கியாக செயல்பட்டு சிறுநீர் பாதையில் நச்சுக்கள் வெளியேற்றுவதை தடுக்கிறது. எனவே சிறுநீரக கற்கள் வராமல் தடுக்க கொள்ளு பருப்பு அடிக்கடி உணவில் சேர்த்துக் கொள்ளலாம்.
கல்லீரலை சுத்தப்படுத்தும்
கொள்ளு பருப்பு கல்லீரலில் தேங்கி இருக்கக்கூடிய நச்சுக்களை வெளியேற்ற பெரிதும் உதவுகிறது. இதில், ஆண்டி ஆக்சிடென்ட் பண்புகள் ஆக்சிஜனேற்றம் சேதத்தை தடுப்பதுடன் கல்லீரலில் பழுதுபார்த்தல் மற்றும் மீள் உருவாக்கத்திற்கு துணை புரிகின்றது. அதற்கு கொள்ளு பருப்பு சூப்பாக ஒரு ரசமாகவோ சாப்பிடலாம்.
எலும்பு ஆரோக்கியம் மேம்படுகிறது
கொள்ளு பருப்பில் கால்சியம், பாஸ்பரஸ் போன்றவை அதிகமாக இருப்பதால், இது எலும்புகளை வலுவாக்குவதோடு வாதம் மூட்டு வலி எலும்பு தொடர்பான நோய்களின் அபாயத்தையும் தடுக்கிறது. எனவே, எலும்பு தொடர்பான பிரச்சனைகள் வருவதை தடுப்பதற்கு கொள்ளு பருப்பை உணவில் அதிகம் சேர்த்துக் கொள்ளலாம்.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
