தாய்லாந்து, சிங்கப்பூர் போன்ற தென்கிழக்கு ஆசிய நாடுகளில் பரவலாகக் காணக்கூடிய துரியன் பழம், அதன் கடுமையான நறுமணம் மற்றும் பல மருத்துவ குணங்களுக்குப் பெயர்பெற்றது. வெளிப்பகுதியில் கூர்மையான முட்களைக் கொண்டிருந்தாலும், உள்ளே ஏராளமான சத்துகளைக் கொண்டுள்ளது. இப்பழம் இதய ஆரோக்கியத்தை மேம்படுத்தவும், புற்றுநோய் அபாயத்தைக் குறைக்கவும் உதவுகிறது.
மேலும், இது பெண்களின் கருவுறாமைப் பிரச்சனைக்குச் சிறந்த தீர்வாக அமையும் என்றும் நம்பப்படுகிறது. துரியன் பழத்தில் கார்போஹைட்ரேட்டுகள், ஆரோக்கியமான கொழுப்புகள், புரதங்கள் மற்றும் நார்ச்சத்து நிறைந்துள்ளது. மேலும் இதில் வைட்டமின் சி, பி காம்ப்லக்ஸ் வைட்டமின்கள், பொட்டாசியம், இரும்புச்சத்து மற்றும் தாமிரம் போன்ற அத்தியாவசிய தாதுக்களும் அடங்கியுள்ளன.
மிஸ் பண்ணிடாதீங்க.. தினம் ஒரு கொய்யாப்பழம்.. சருமப் பொலிவு முதல் கண் பார்வை வரை..!
இதில் உள்ள நார்ச்சத்து மற்றும் ஆன்டிஆக்ஸிடன்ட்கள் உடலில் உள்ள கெட்ட கொழுப்பைக் (LDL) குறைக்க உதவுவதோடு, இரத்த அழுத்தத்தைக் சீராகப் பராமரித்து இதய நோய்கள் வரும் அபாயத்தைக் குறைக்கிறது. துரியன் பழத்தில் பாலிஃபீனால்கள் மற்றும் ஃப்ளேவனாய்டுகள் போன்ற ஆன்டிஆக்ஸிடன்ட்கள் அதிக அளவில் உள்ளன.
இவை உடலில் செல்களைப் பாதிக்கும் நச்சுத்தன்மை வாய்ந்த ஃப்ரீ ரேடிக்கல்களை எதிர்த்துப் போராடி, புற்றுநோய் செல்கள் வளர்வதைத் தடுக்க உதவுகின்றன. செரிமான மண்டலத்தை வலுப்படுத்துவதோடு, உடலுக்கு உடனடியாகத் தேவையான ஆற்றலை வழங்கக்கூடிய ஆற்றல் வாய்ந்த பழமாகவும் இது விளங்குகிறது.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
