இயக்குனர் சுந்தர்.சி இயக்கத்தில், நடிகர் விஷாலுடன் தமன்னா ஜோடி சேர்ந்துள்ள இப்படத்திற்கு ஹிப் ஹாப் தமிழா இசையமைத்துள்ளார். முழுக்க முழுக்க நகைச்சுவையும் அதிரடிச் சண்டைகளும் நிறைந்த ஒரு கமர்ஷியல் திரைப்படமாக உருவாகியுள்ள இப்படத்தில், யோகி பாபு உள்ளிட்ட பல முக்கிய நட்சத்திரங்களும் நடித்து வருகின்றனர்.
நடிகர் விஜய் வர்மாவுடனான காதலுக்குப் பிறகு ஏற்பட்ட பிரிவு மற்றும் அதன் தாக்கத்திலிருந்து மீண்டுள்ள தமன்னா, காதலை நிபந்தனையற்ற ஒன்றாகப் பார்க்க வேண்டும் என்றும், எந்த உறவிலும் எதிர்பார்ப்புகள் அதிகரிக்கும்போது அது வியாபாரமாக மாறிவிடும் என்றும் தனது தத்துவார்த்தமான கருத்துக்களை வெளிப்படையாகப் பகிர்ந்துள்ளார். சுய முன்னேற்றத்திற்கும் தனது லட்சியங்களை அடைவதற்கும் தொடர்ச்சியான உழைப்பைக் கொடுத்து வருவதாக அவர் அண்மைய பேட்டிகளில் குறிப்பிட்டுள்ளார்.
20 வருஷம் கழித்து மீண்டும் கல்யாணம்.. இப்படி ஒரு காரணமா?..
முன்னதாக, சுந்தர்.சி இயக்கத்தில் விஷால் ஜோடியாக தமானா நடித்து வரும் ‘புருஷன்’ திரைப்படம், முழுக்க முழுக்க நகைச்சுவை மற்றும் அதிரடி சண்டைக் காட்சிகளை மையமாகக் கொண்டு உருவாகி வருகிறது. ‘மத கஜ ராஜா’ படத்தின் வெற்றிக்குப் பிறகு இக்கூட்டணி மீண்டும் இணைந்துள்ளதால், இப்படத்தின் மீது எதிர்பார்ப்பு அதிகரித்துள்ளது.
திரைப்படங்களைத் தாண்டி தனது ஸ்டைலான தோற்றங்கள் மற்றும் ஃபேஷன் உடைகள் மூலமாகவும் எப்போதும் இணையத்தில் டிரெண்டிங்கில் இருக்கும் தமன்னா, சவால்களை எதிர்கொண்டு திரையுலகில் தொடர்ச்சியாகத் தன் திறமையை நிரூபித்து வருவது ரசிகர்களால் பாராட்டப்பட்டு வருகிறது.
