மாலையில் அல்லது இரவு 8 மணிக்கு மேல் தவிர்க்க வேண்டிய 6 முக்கிய பழக்கவழக்கங்கள் மற்றும் அவை இதய ஆரோக்கியத்திற்கு எவ்வாறு உதவுகின்றன என்பது குறித்து தெரிந்துக்கொள்வோம்.
இரவு 8 மணிக்கு மேல் தவிர்க்க வேண்டிய 6 பழக்கங்கள்
தாமதமாக உணவு உண்பது
இரவு நேரத்தில் செரிமான மண்டலத்தின் செயல்பாடு மெதுவாகும். தாமதமாகச் சாப்பிடுவது இரத்த சர்க்கரை அளவு மற்றும் கொழுப்பின் அளவை அதிகரித்து, இதயத்தின் மீது அழுத்தத்தை ஏற்படுத்தும்.
அதிகப்படியான கார்போஹைட்ரேட்
இரவு வேளையில் இனிப்புகள் அல்லது அதிக கார்போஹைட்ரேட் கொண்ட உணவுகளை உட்கொள்வது இரத்த நாளங்களில் வீக்கத்தை ஏற்படுத்தி மாரடைப்பு அபாயத்தை அதிகரிக்கும்.
மது அருந்துதல் மற்றும் புகைப்பிடித்தல்
இரவில் மது அருந்துவது மற்றும் புகைப்பிடிப்பது இரத்த அழுத்தத்தை உடனடியாக உயர்த்துவதுடன், தூக்கத்தின் தரத்தைக் கெடுத்து இதயத் துடிப்பின் சீரான தன்மையைப் பாதிக்கிறது.
உடலுக்குக் குளிர்ச்சி தரும் அற்புதப் பழம்.. கருப்பை ஆரோக்கியத்தைக் காக்கும் இயற்கை உணவு..!
திரைத்துறையின் நீல ஒளி
படுக்கும் முன் மொபைல் அல்லது டிவி திரைகளைப் பார்ப்பது மூளைக்கு விழிப்புணர்வைத் தந்து, உடல் சுரக்கும் ‘மெலட்டோனின்’ (Melatonin) ஹார்மோனைப் பாதித்துத் தூக்கத்தைக் கெடுக்கும். தூக்கமின்மை இதய நோய்களுக்கு வழிவகுக்கும்.
அதிகப்படியான கவலை அல்லது மன அழுத்தம்
இரவு தூங்கும் முன் அலுவலகப் பணிகள் அல்லது தீவிரமான விஷயங்கள் குறித்துச் சிந்திப்பதும், மன அழுத்தத்தை வளர்த்துக் கொள்வதும் இரத்த அழுத்தத்தை அதிகரித்து இதயத்திற்குத் தீங்கு விளைவிக்கும்.
தாமதமாகத் தூங்குவது
தினமும் இரவு உரிய நேரத்தில் தூங்காமல் தாமதமாக விழித்திருப்பது இதயத்தின் இயல்பான ஓய்வு நிலையைப் பாதித்து, நீண்ட காலத்தில் இருதய நோய் அபாயத்தை இரட்டிப்பாக்கும்.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
