மாம்பழ சீசன் வந்தாச்சு அப்புறம் என்ன மார்க்கெட்டுக்கு போய் மாம்பழத்தை வாங்கி பல விதமான டிஸ்க்களை செய்து பார்க்கத்தான் பலரும் ஆர்வமாக இருப்பார்கள். அவர்களுக்கான பதிவு தான் இது. மாம்பழ சீசனில் வெறுமனே மாம்பழங்களை வாங்கி சாப்பிடுவதைவிட அந்த மாம்பழங்களை கொண்டு ஐஸ்கிரீம், மில்க் ஷேக், பூட்டிங், கேசரி, பாயாசம் என பலவிதமான ரெசிபிகளை நாம் செய்திருப்போம். அந்த வகையில், மாங்காய் துவையல் எப்படி செய்வது என்பது குறித்து இந்த பதிவில் காண்போம்.
தேவையான பொருட்கள்
- தேவையான அளவு நல்லெண்ணெய்
- எட்டு வரமிளகாய்
- தேவையான அளவு கருவேப்பிலை
- ஒரு மாங்காய்
- அரைமூடி தேங்காய்
- உப்பு சுவை ஏற்ப
தாளிப்பதற்கு,
- ஒரு டேபிள்ஸ்பூன் நல்லெண்ணெய்
- அரை டீஸ்பூன் கடுகு
- இரண்டு வர மிளகாய்
- ஒரு கொத்து கருவேப்பிலை
செய்முறை
Step 1: முதலில் ஒரு பாத்திரத்தை அடுப்பில் வைத்து அதில் ஒரு டீஸ்பூன் நல்லெண்ணெய் ஊற்றி சூடானதும் அதை வரமிளகாய் மற்றும் கருவேப்பிலை சேர்த்து நன்றாக வறுத்துக் கொள்ள வேண்டும்.
Step 2: பின்பு கிளிமூக்கு மாங்காயை எடுத்து அதை சிறுசிறு துண்டுகளாக வேண்டும். மிக்ஸர் ஜாரில் வறுத்த மிளகாய் மற்றும் கருவேப்பிலையை சேர்த்து அத்துடன் மாங்காய் தேங்காய் சுவைக்கு ஏற்ப உப்பு சேர்த்து கொரகொரப்பாக அரைத்துக் கொள்ள வேண்டும். நீர் சேர்க்க வேண்டாம். ஒருவேளை தேவைப்பட்டால் சிறிது சிறிதாக சேர்த்துக் கொள்ளுங்கள்.
Step 3: பின்னர், அனைத்தையும் ஒரு கிண்ணத்தில் எடுத்து வைத்துக் கொள்ள வேண்டும். அதில், தாளிப்பதற்கு வைத்துள்ள அனைத்து பொருட்களையும் போட்டு தாளித்ததை துவையலுடன் சேர்த்தால் சுவையான மாங்காய் துவையல் ரெடி.
