தேவையான பொருட்கள்
- மட்டன் – 1/2 கிலோ
- சின்ன வெங்காயம் – 200 கிராம் (பொடியாக நறுக்கியது)
- தக்காளி – 2 (நறுக்கியது)
- இஞ்சி-பூண்டு விழுது – 2 ஸ்பூன்
- மட்டன் மசாலா / குழம்பு மிளகாய்த்தூள் – 3 ஸ்பூன்
- மஞ்சள் தூள் – 1/2 ஸ்பூன்
- நல்லெண்ணெய் அல்லது சமையல் எண்ணெய் – தேவையான அளவு
- உப்பு மற்றும் கருவேப்பிலை – தேவையான அளவு
- அரைக்க வேண்டிய மசாலா
- சோம்பு – 1 ஸ்பூன்
- சீரகம் – 1 ஸ்பூன்
- மிளகு – 1 ஸ்பூன்
- பட்டை, கிராம்பு, ஏலக்காய் – சிறிதளவு
- தே துருவல் – 3 ஸ்பூன் (விருப்பப்பட்டால் முந்திரி சேர்த்துக்கொள்ளலாம்)
- குறிப்பு: மேலே உள்ள பொருட்களை வறுத்து விழுது போல அரைத்துக்கொள்ளவும்.
பளபளப்பான சருமம் பெறணுமா?.. இந்த 5 ஸ்க்ரப்களை வீட்டிலேயே ட்ரை பண்ணுங்க..!
- செய்முறை
- குக்கரில் எண்ணெய் ஊற்றி சூடானதும், கருவேப்பிலை மற்றும் பொடியாக நறுக்கிய சின்ன வெங்காயத்தைச் சேர்த்து நன்றாக வதக்க வேண்டும்.
- வெங்காயம் பொன்னிறமானதும் இஞ்சி-பூண்டு விழுது சேர்த்து பச்சை வாசனை போகும் வரை வதக்க வேண்டும்.
- பின்பு தக்காளி சேர்த்து மசியும் வரை வதக்கி, அதனுடன் மட்டன், மஞ்சள் தூள் மற்றும் உப்பு சேர்த்து சில நிமிடங்கள் வதக்கவும்.
- மட்டன் வெந்த பிறகு அரைத்து வைத்துள்ள மசாலா விழுது மற்றும் மிளகாய்த்தூள் சேர்த்து நன்கு கிளறவும்.
- கெட்டியான குழம்புக்குத் தேவையான அளவு மட்டும் குறைந்த தண்ணீர் ஊற்றி, குக்கரை மூடி 4 முதல் 5 விசில் விட்டு இறக்கினால் மணமணக்கும் செட்டிநாடு மட்டன் கெட்டி குழம்பு தயார்!
