2026 ஆம் ஆண்டு சட்டமன்ற பொதுத் தேர்தலில் தமிழக வெற்றிப் கழகத்தின் தலைவரான விஜய் திருச்சி மற்றும் பெரம்பூர் என இரண்டு தொகுதிகளில் போட்டியிடுகிறார் இதற்காக தொகுதியில் இரண்டாவது முறையாக பிரச்சாரம் செய்ய திருச்சிக்கு மீண்டும் சென்றார்.
விஜய்யை சீண்டிய சத்யராஜ்.. அப்பாவுக்கே நக்கல் போஸ்ட் போட்ட மகன் சிபிராஜ்..!
திருச்சியில் ஏப்ரல் 19ஆம் தேதி தேர்தல் பிரச்சாரம் செய்ய வந்த விஜய் அந்தோனியார் தேவாலயத்தில் முட்டி போட்டு நடந்து சென்று தேர்தலில், வெற்றி பெற வேண்டினார். இது தொடர்பான, வீடியோக்களும் புகைப்படங்களும் இணையதளத்தில் வேகமாக பரவி வருகிறது.
இந்நிலையில், விஜய் தேவாலயத்திற்குள் சென்று தரிசனம் செய்த போது தனது கட்சித் துண்டை தோளில் போட்டபடி சென்று வழிபாடு நடத்தினார். இது தொடர்பாக, மார்க்சிஸ்ட் கம்யூனிஸ்ட் கட்சியின் மாநில செயலாளர் பெ. சண்முகம் விஜய் மீது வழக்கு பதிவு செய்ய வேண்டும் என்று தெரிவித்துள்ளார். அதாவது, மத வழிபாட்டு இடங்களான கோவில், தேவாலயங்கள், மசூதி என கட்சி அடையாளச் சின்னத்துடன் சென்று வாக்கு சேகரிக்க கூடாது என்ற தேர்தல் நடத்தை விதியை மீறிய விஜய் மீது தேர்தல் ஆணையம் வழக்கு பதிவு செய்து நடவடிக்கை எடுக்க வேண்டும் என்று கூறியுள்ளார்.
