தமிழ் சினிமாவின் சூப்பர் ஸ்டார் ரஜினிகாந்த் அடுத்தடுத்த திரைப்படங்கள் மற்றும் சுயசரிதை எழுதும் பணிகளால் செம பிஸியாக வலம் வருகிறார். ‘ஜெயிலர்’ படத்தின் பிரம்மாண்ட வெற்றிக்குப் பிறகு, தற்போது நெல்சன் இயக்கத்தில் அவர் நடித்துள்ள ‘ஜெயிலர் 2’ வரும் அக்டோபர் 15ஆம் தேதி ரிலீசாகவுள்ளது.
இப்படத்தில் விஜய் சேதுபதி, எஸ்.ஜே.சூர்யா, ஹிருத்திக் ரோஷன் என நட்சத்திரப் பட்டாளமே நடித்துள்ளதால் ரசிகர்களின் ஹைப் உச்சத்தில் உள்ளது. குறிப்பாக, அதே காலகட்டத்தில் தனுஷின் ‘ஓம்’ படமும் வெளியாகவுள்ளதால், பாக்ஸ் ஆபிஸில் யார் சாதனை படைக்கப் போகிறார்கள் என்ற எதிர்பார்ப்பு அதிகரித்துள்ளது.
ஜேசன் சஞ்சய் ரொம்ப திறமையான பையன்.. மனம் திறந்த தொகுப்பாளினி டிடி..!
இதற்கிடையில், தனது பல ஆண்டுகால திரை மற்றும் நிஜ வாழ்க்கை அனுபவங்களைச் சுயசரிதை புத்தகமாக எழுதும் பணியிலும் ரஜினி தீவிரமாக ஈடுபட்டுள்ளார். இதுகுறித்துச் சமீபத்தில் பேசிய அவரது இளைய மகள் சௌந்தர்யா ரஜினிகாந்த், “அப்பாவின் சுயசரிதை எழுதும் பணிகள் போய்க்கொண்டிருக்கின்றன.
அதை நான் ஒரு பகவத் கீதை, ராமாயணம், மகாபாரதம் போலத்தான் நினைக்கிறேன். பெங்களூரில் பிறந்து சென்னைக்கு வந்ததே ஒரு பெரிய வரலாறு. முதலில் அவர் அதை எழுதி புத்தகமாக வெளியிடட்டும். அதன் பிறகு அது வெப் சீரிஸ் ஆவது குறித்துப் பேசலாம்” எனக் குறிப்பிட்டார். ரஜினியின் அடுத்தடுத்த சினிமா அப்டேட்டுகளும், சுயசரிதை குறித்த தகவல்களும் சமூக வலைதளங்களில் வைரலாகி வருகின்றன.
