இந்தியாவில் டிஜிட்டல் ஆளுமையை மேம்படுத்தும் விதமாகவும், பொதுமக்களுக்கு ஆதார் சேவைகளை மிகவும் தடையின்றி வழங்கும் நோக்கத்துடனும் யுஐடிஏஐ (UIDAI) அமைப்பு பல்வேறு அதிரடி நடவடிக்கைகளை எடுத்து வருகிறது. கொல்கத்தாவில் நடைபெற்ற 17-வது ஆதார் தினக் கொண்டாட்டத்தின் ஒரு பகுதியான ‘ஆதார் சம்வாத்’ நிகழ்வில், ஆதார் தொடர்பான சேவைகளை எளிதாக்கும் 5 புதிய திட்டங்கள் அதிகாரப்பூர்வமாக அறிவிக்கப்பட்டுள்ளன.
இதன் மூலம், கைரேகை சரிபார்ப்பில் சிக்கல் உள்ள பயனாளிகள் ரேஷன் பொருட்களைப் பெற்றுக்கொள்ள ஏதுவாக, உணவு மற்றும் பொது விநியோகத்துறை இணைந்து முக அங்கீகார (Face Authentication) முறையைக் கொண்டு வந்துள்ளன.
பெண்களுக்கு அதிரடி கிப்ட்.. அக்டோபர் 2 முதல் தொடங்குகிறது ‘வெற்றிப் பயணம்’ திட்டம்..!
மேலும், ஆதார் அங்கீகார அனுமதிகளை எளிதில் பெற ‘SWIK போர்டல் 2.0’, குறைவான வரம்பு கொண்ட நிறுவனங்களுக்கான புதிய கட்டமைப்பு, அலுவலகங்களில் காத்திருப்பு நேரத்தைக் குறைக்க டிஜிட்டல் டோக்கன் முறை மற்றும் பிராந்திய மொழிகளின் ஆதரவுடன் மேம்படுத்தப்பட்ட புதிய ஆதார் வலைதளம் போன்ற சிறப்பம்சங்கள் அறிமுகப்படுத்தப்பட்டுள்ளன. இந்த புதிய மாற்றங்கள் பொதுமக்களுக்குப் பெரும் பயனுள்ளதாக இருக்கும் என எதிர்பார்க்கப்படுகிறது.
