“ஆராரோ ஆரிரரோ, அம்புலிக்கு நேர் இவரோ” என்ற தாலாட்டுப் பாடலைக் கேட்டாலே தமிழ் சினிமா ரசிகர்களுக்கு உடனடியாக நினைவுக்கு வருவது ‘சிறுத்தை’ படமும், அதில் குண்டு குண்டான கண்களுடன் வலம் வந்த குட்டிப் பாப்பா ரக்ஷனாவும்தான். கார்த்தி, தமன்னா, சந்தானம் நடிப்பில் இயக்குநர் சிவா இயக்கத்தில் வெளியான இப்படம் பாக்ஸ் ஆபீஸில் மிகப்பெரிய சாதனையைப் படைத்தது.
இப்படத்தின் வெற்றிக்கு, ‘ராக்கெட் ராஜா’வின் வாழ்க்கையைத் தனது பிஞ்சு அன்பால் மாற்றும் குட்டிப் பாப்பாவின் எதார்த்தமான நடிப்பும், கண் கலங்க வைக்கும் பாசக் காட்சிகளுமே மிக முக்கியக் காரணமாகும்.
27 பேருக்கு அப்புறம் நான் தான் வந்தேன்.. இளையராஜா மற்றும் ஏ.ஆர். ரஹ்மான் குறித்து தேவா ஓபன் டாக்..!
இந்நிலையில், சிறுத்தை படம் வெளியாகிப் பல ஆண்டுகள் கடந்துவிட்ட நிலையில், அக்குட்டிப் பாப்பா ரக்ஷனா தற்போது ஆள் அடையாளமே தெரியாத அளவுக்கு மிக அழகாகவும் ஸ்டைலிஷாகவும் வளர்ந்துள்ளார். சமூக வலைதளமான இன்ஸ்டாகிராமில் அவர் தொடர்ந்து பதிவிட்டு வரும் தற்போதைய புகைப்படங்களை வியப்புடன் பார்த்து வரும் ரசிகர்கள், “சிறுத்தை படத்தில் கார்த்தி தோளில் உட்கார்ந்திருந்த அந்தக் குட்டிப் பாப்பாவா இது?” என்று ஆச்சரியத்துடன் கமெண்ட் செய்து வருகின்றனர்.
மேலும், மாடல் அழகி போல வலம் வரும் ரக்ஷனாவின் தற்போதைய தோற்றத்தைப் பார்க்கும்போது, அவர் விரைவில் தமிழ் சினிமாவில் கதாநாயகியாக ரீ-என்ட்ரி கொடுக்க அதிக வாய்ப்புள்ளதாகவும் கோலிவுட் வட்டாரத்தில் பேசப்பட்டு வருகிறது.
