திருமணத்திற்குப் பிறகு சினிமாவில் நடிப்பதை முழுமையாகத் தவிர்த்து வந்த நடிகை ஷாலினி, பல வருடங்கள் கழித்து மீண்டும் பெரிய திரையில் தோன்றியுள்ளது அவரது ரசிகர்களை மகிழ்ச்சியில் ஆழ்த்தியுள்ளது. நடிகர் அஜித்குமாரின் கார் ரேஸ் (Car Racing) சாகசங்கள் மற்றும் அனுபவங்களை மையமாக வைத்து உருவாகியுள்ள ‘கிளாடியேட்டர்ஸ்’ படத்தின் டிரைலர் நேற்று திரையரங்குகளில் ரசிகர்களின் உற்சவத்திற்கிடையே வெளியிடப்பட்டது.
இப்படம் வரும் நவம்பர் மாதம் வெளியாகவுள்ளது. இந்தப் படத்தில் ஷாலினி அஜித் குமார் மட்டுமின்றி, அவரது மகள் அனோஷ்கா மற்றும் மகன் ஆத்விக் ஆகியோரும் முதல்முறையாக சில்வர் ஸ்கிரீனில் தோன்றி அப்பா அஜித் குமாரின் கார் பந்தயம் குறித்துப் பேசியுள்ள காட்சிகள் மிகுந்த எதிர்பார்ப்பை ஏற்படுத்தியுள்ளன.
177 புகார்கள் குவிப்பு.. பள்ளி அங்கீகார முறைகேடு விவகாரத்தில் அதிரடி திருப்பம்..!
நடிகர் அஜித்குமாரின் ரேஸ் அனுபவங்களைச் சொல்லும் ‘கிளாடியேட்டர்ஸ்’ படத்தின் டிரைலர், யூடியூபில் ஆன்லைனில் வெளியிடப்படாமல், திரையரங்குகளில் ரசிகர்களின் உற்சவத்திற்கிடையே நேரடியாகக் திரையிடப்பட்டது. சென்னை கமலா தியேட்டரில் நடைபெற்ற இந்த நிகழ்வில் ரசிகர்கள் திரளாகக் கலந்து கொண்டனர்.
பல ஆண்டுகளுக்கு முன்பு சினிமாவை விட்டு விலகியிருந்த ஷாலினி, தனது கணவரின் கார் பந்தய லட்சியம் குறித்தும், இளைஞர்களுக்கு அவர் எத்தகைய உத்வேகமாக இருக்க விரும்புகிறார் என்பது குறித்தும் உணர்வுபூர்வமாகப் பேசியுள்ளார். மேலும், அஜித்தின் மகள் அனோஷ்கா மற்றும் மகன் ஆத்விக் ஆகியோரும் முதல்முறையாகத் திரையில் தோன்றி, தங்களது தந்தையின் ரேஸ் சாகசங்கள் மற்றும் குடும்ப நினைவுகளைப் பகிர்ந்துள்ளது ரசிகர்களை வியப்பில் ஆழ்த்தியுள்ளது.
இப்படம் வரும் நவம்பர் மாதம் திரைக்கு வரவுள்ளது. இதையொட்டி படத்தின் ஆடியோ வெளியீட்டு விழாவை பிரம்மாண்டமாக நடத்துவது குறித்து நடிகர் அஜித்தின் மேனேஜர் சுரேஷ் சந்திரா ரசிகர்களிடம் தெரிவிக்க, அரங்கம் அதிர்ந்தது. அஜித்தே தனது சொந்தச் செலவில் தயாரித்துள்ள இத்திரைப்படம் மீதான எதிர்பார்ப்பு கோலிவுட்டில் இப்போதே உச்சத்தை தொட்டுள்ளது.
#Gladiators Trailer – Shalini AK Cameo..⭐💥 The Entire family of AK is part of the Documentary..🤝 pic.twitter.com/XcSPagEQlo
— Laxmi Kanth (@iammoviebuff007) September 6, 2026
