சந்தையில் வெங்காயத்தின் விலையைக் கட்டுப்படுத்தவும், நுகர்வோருக்குத் தடையின்றி தரமான வெங்காயம் கிடைப்பதை உறுதி செய்யவும் மத்திய அரசு தனது கைவசம் தரமான வெங்காய இருப்பு வைத்துள்ளதாகத் தெரிவித்துள்ளது. பண்டிகைக் காலங்கள் மற்றும் சில்லறை சந்தைகளில் வெங்காயத்தின் விலை திடீரென உயராமல் இருக்க, பஃபர் ஸ்டாக் (Buffer Stock) எனப்படும் பாதுகாப்பு இருப்புத் திட்டத்தின் கீழ் இந்த நடவடிக்கை எடுக்கப்பட்டுள்ளது. தேவைக்கேற்ப நுகர்வோர் கூட்டுறவு மற்றும் நியாயவிலைக் கடைகள் மூலம் இந்தத் தரமான வெங்காயம் குறைந்த விலையில் பொதுமக்களுக்கு விற்பனை செய்யப்படவுள்ளது.
சட்டமன்றத்தில் மத அரசியலா? – தவெக அரசுக்கு எதிராக நயினார் நாகேந்திரன் பாய்ச்சல்..!
அரசிடம் உள்ள வெங்காயத்தில் 30 சதவீதம் வரை அழுகிவிட்டதாகப் பரவிய வதந்திகளை நுகர்வோர் விவகாரத்துறை செயலாளர் நிதி கரே திட்டவட்டமாக மறுத்துள்ளார். வெங்காயம் நல்ல தரத்தில் உள்ளதாகவும், இந்த ஆண்டு மத்திய கிடங்கு கழகத்தின் (CWC) மூலம் அறிவியல் பூர்வமாகப் பாதுகாக்கப்படுவதால் தரம் குறையாமல் இருப்பதாகவும் அவர் தெரிவித்துள்ளார். பொதுமக்கள் பயன்பெறும் வகையில், நுகர்வோர் கூட்டுறவு மற்றும் நுகர்வோர் முகமைகளான NCCF, NAFED, கேந்திர பந்தர் மற்றும் நடமாடும் வாகனங்கள் மூலம் ஒரு கிலோ வெங்காயம் ரூ. 35 என்ற மானிய விலையில் விற்பனை செய்யப்பட்டு வருகிறது.
உற்பத்தி மையமான மகாராஷ்டிராவின் நாசிக்கில் இருந்து சென்னை, மதுரை, டெல்லி, எர்ணாகுளம் உள்ளிட்ட முக்கிய நகரங்களுக்குப் பாதுகாப்பான முறையில் வெங்காயத்தை விரைவாகக் கொண்டு செல்ல ‘கந்தா எக்ஸ்பிரஸ்’ சிறப்புச் சரக்கு ரயில்கள் இயக்கப்பட்டு வருகின்றன. பருவகால மாற்றம் மற்றும் உற்பத்தி குறைவு காரணமாகச் சில்லறை சந்தையில் வெங்காயத்தின் விலை உயர்ந்ததைத் தொடர்ந்து, பொதுமக்களுக்கு நிவாரணம் வழங்கும் வகையில் மத்திய அரசு தனது பஃபர் ஸ்டாக் (Buffer Stock) எனப்படும் பாதுகாப்பு இருப்பை விநியோகிக்கத் தொடங்கியுள்ளது.
