தஞ்சை திமுக ஆர்ப்பாட்டத்தின்போது, முதலமைச்சர் விஜய் குறித்தும் திரிசா குறித்தும் உதயநிதி ஸ்டாலின் பேசிய கருத்துக்கள் பெரும் சர்ச்சையை ஏற்படுத்தின. அந்தப் பேச்சு சமூக வலைதளங்களில் வைரலாகி கடுமையான விவாதத்திற்குள்ளானது. இந்த அவதூறான மற்றும் இரட்டை அர்த்தத்திலான பேச்சுக்குத் தவெக உள்ளிட்ட பல்வேறு தரப்பினரும் கண்டனம் தெரிவித்தனர். தொடர்ந்து அளிக்கப்பட்ட புகார்களின் அடிப்படையில், உதயநிதி ஸ்டாலின் காவல்துறையினரால் கைது செய்யப்பட்டு தஞ்சைக்கு அழைத்துச் செல்லப்பட்டுள்ளார்.
இந்த மேடைப் பேச்சு தொடர்பான வீடியோ கிளிப்புகள் சமூக வலைதளங்களில் (X, WhatsApp, YouTube) காட்டுத் தீ போல் பரவி வைரலாகின. தவெக கட்சியினர் மற்றும் பல்வேறு தரப்பினரும் இதற்கு கண்டனம் தெரிவித்ததோடு, உடனடியாக நடவடிக்கை எடுக்க வேண்டும் என்று வலியுறுத்தினர். இதன் தொடர்ச்சியாகவே காவல் துறையினர் தீவிர சட்ட நடவடிக்கைகளை மேற்கொண்டு உதயநிதி ஸ்டாலினை கைது செய்துள்ளனர்.
உதயநிதி ஸ்டாலின் கைது.. சர்ச்சைகளுக்கு நடுவில் குரல் கொடுத்த நடிகை நிவேதா பெத்துராஜ்..!
உதயநிதி ஸ்டாலின் வீட்டின் அருகிலேயே வசிக்கும் அவரது நெருங்கிய நண்பரும் நடிகரு மான சஞ்சீவ், தனது வீட்டின் பால்கனியில் நின்றுகொண்டு, அங்கு திரண்டிருந்த காவல்துறையினர், திமுக நிர்வாகிகள் மற்றும் ஆதரவாளர்களின் போராட்டம் மற்றும் கைது நடவடிக்கைகளைப் பார்வையிட்டுள்ளார். மேலும், அந்தப் பரபரப்பான காட்சிகளைத் தனது செல்போனில் வீடியோவாகப் பதிவு செய்துள்ளார்.
சஞ்சீவ் வீடியோ எடுப்பதைக் கண்ட அங்கிருந்த திமுக நிர்வாகிகள் மற்றும் ஆதரவாளர்கள் ஆவேசமடைந்து, அவரை ஒருமையில் திட்டியதோடு அவதூறான வார்த்தைகளைப் பயன்படுத்தி எச்சரித்துள்ளனர். இந்தச் சம்பவமும் சமூக வலைதளங்களில் தற்போது வைரலாகி பெரும் பரபரப்பை ஏற்படுத்தியுள்ளது. உதயநிதி ஸ்டாலினின் கைது நடவடிக்கையைத் தொடர்ந்து தமிழகத்தின் பல்வேறு மாவட்டங்களில் திமுகவினர் போராட்டத்தில் ஈடுபட்டு வருவதால், மாநிலம் முழுவதும் தொடர்ந்து பதற்றமான சூழல் நிலவி வருகிறது.
