பல ஆண்டுகள் கடந்தாலும் ஒருபோதும் கெட்டுப்போகாத, காலாவதியாகாத 8 உணவுப் பொருட்கள் குறித்த முக்கிய விவரங்கள் குறித்த இந்த பதிவில் காண்போம்.
என்றும் கெட்டுப்போகாத 8 முக்கிய உணவுகள்
தேன்
இயற்கையாகவே தேனில் உள்ள குறைந்த ஈரப்பதம் மற்றும் அதிக அமிலத்தன்மை காரணமாக, இது பல ஆண்டுகள் ஆனாலும் கெட்டுப்போகாது. சரியான முறையில் மூடி வைத்தால் பல நூற்றாண்டுகள் வரை கூட தாங்கும்.
வெள்ளை அரிசி
காற்று புகாத டப்பாவில் சரியாகச் சேமித்து வைத்தால், வெள்ளை அரிசி பல ஆண்டுகள் ஆனாலும் தன் தரத்தை இழக்காமல் அப்படியே இருக்கும் (பழுப்பு அரிசி இதில் விதிவிலக்கு, அது விரைவில் கெட்டுவிடும்).
மீன் வாங்கும் முன் இதை கவனிங்க.. கடைகளில் ஏமாறாமல் இருக்க 5 எளிய குறிப்புகள்..!
உப்பு
தூய உப்பு (Pure Salt) எப்போதுமே காலாவதியாவது இல்லை. இது ஈரப்பதம் படாமல் இருக்கும் வரை பல ஆண்டுகளுக்குப் பயன்படுத்தக் கூடியது.
சர்க்கரை
வெள்ளைச் சர்க்கரையும் உப்பைப் போலவே நீண்ட காலம் கெடாமல் இருக்கக் கூடியது. காற்று மற்றும் ஈரப்பதம் படாமல் பாதுகாத்தால் இதுவும் வாழ்நாள் முழுவதும் பயன்படுத்தக் கூடியதுதான்.
வெள்ளை வினிகர்
வினிகரில் அதிக அளவு அமிலம் உள்ளதால், இது பாக்டீரியா மற்றும் பூஞ்சைத் தாக்கத்திலிருந்து தன்னைத் பாதுகாத்துக் கொள்கிறது. இதனால் இதுவும் காலாவதியாகாது.
மக்காச்சோள மாவு / சோள ஸ்டார்ச்
ஈரப்பதம் படாமல் உலர்வான இடத்தில் வைத்தால், சோள மாவு பல ஆண்டுகள் ஆனாலும் கெட்டுப்போகாது.
உலர் பீன்ஸ் மற்றும் பருப்பு வகைகள்
காய்ந்த நிலையில் இருக்கும் பருப்பு வகைகள் மற்றும் பீன்ஸ் வகைகளைச் சரியாகப் பாதுகாத்தால் பல ஆண்டுகள் ஆனாலும் சமைக்க உகந்ததாகவே இருக்கும்.
தூய வெண்ணிலா சாறு
இதில் உள்ள ஆல்கஹால் மற்றும் இதர இயற்கைச் சேர்மங்கள் இதைக் கெட்டுப்போகாமல் நீண்ட காலத்திற்குப் பாதுகாக்கின்றன.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
