தமிழகத்தில் புதிய அரசு அமைந்துள்ள நிலையில், முதல்வர் சி. ஜோசப் விஜய் உத்தரவின்படி நிதி அமைச்சர் மரிய வில்சன் இன்று மாநிலத்தின் நிதி நிலை குறித்த வெள்ளை அறிக்கையை (White Paper) அதிகாரப்பூர்வமாக வெளியிட்டுள்ளார்.
பட்ஜெட்டில் முழுமையாகப் பிரதிபலிக்காத மறைமுகக் கடன்களையும் சேர்த்தால், தமிழகத்தின் ஒட்டுமொத்தக் கடன் பொறுப்பு ரூ.13.18 லட்சம் கோடியாக உயர்ந்துள்ளது. (நேரடி பட்ஜெட் கடன் ரூ.10 லட்சம் கோடி).
கடந்த 60 ஆண்டுகளில் தமிழக அரசு வாங்கிய மொத்தக் கடன் ரூ.5 லட்சம் கோடியாக இருந்த நிலையில், கடந்த திமுக ஆட்சிக் காலத்தில் (5 ஆண்டுகளில்) மட்டும் கூடுதலாக ரூ.5 லட்சம் கோடி கடன் வாங்கப்பட்டுள்ளது.
விஜய் – சிம்பு சந்திப்பு.. நெட்டிசன்கள் உருவாக்கிய அல்டிமேட் மீம்ஸ்..!
இதன் விளைவாக, தமிழ்நாட்டில் பிறக்கும் ஒவ்வொரு குழந்தையின் மீதும், ஒட்டுமொத்தமாக ஒவ்வொரு தனிநபர் மீதும் தற்போது ரூ.1,29,934 (சுமார் ரூ.1.30 லட்சம்) கடன் சுமை விழுந்துள்ளது.
மாநிலத்தின் உள்நாட்டு உற்பத்தி வளர்ச்சி விகிதம் (GSDP) 2021-22ல் 10%-ஆக இருந்த நிலையில், தற்போது 2025-26ல் 8.32%-ஆகக் குறைந்துள்ளது. மற்ற அண்டை மாநிலங்களுடன் ஒப்பிடுகையில், தமிழகத்திற்கு மத்திய அரசிடமிருந்து வரும் நிதி உதவிகள் மற்றும் மானியங்கள் 16.26% சரிவைச் சந்தித்துள்ளன.
