வெள்ளிதிரையில் 2002 ஆம் ஆண்டு வெளியாகி வரவேற்பை பெற்ற மௌனம் பேசியதே, இந்த படத்தின் மூலமாக தமிழ் சினிமாவில் ஹீரோயினாக அறிமுகமானவர் த்ரிஷா. இவர் கடந்த 24 ஆண்டுகளாக சினிமாவில் தவிர்க்க முடியாத நடிகையாக வலம் வருகிறார்.
தமிழ், தெலுங்கு, கன்னடம், ஹிந்தி, மலையாளம் என அனைத்து மொழிகளிலும் நடித்து வருகிறார். முன்னதாக, தமிழில் ரஜினி, கமல், விஜய், அஜித், சூர்யா என பல முன்னணி நடிகர்களுடன் நடித்துள்ளார். அபியும் நானும் படத்திற்காக தமிழக அரசின் மாநில விருது, கலைமாமணி விருது உள்ளிட்ட ஏராளமான விருதுகளையும் த்ரிஷா பெற்று இருக்கிறார்.
ஜனநாயகன் படம் எப்போது ரிலீஸ்?.. தயாரிப்பாளர் கொடுத்த அப்டேட்..!
இதனிடையே, விஜய் மற்றும் சங்கீதா விவாகரத்து சர்ச்சையில் நடிகை த்ரிஷா சம்பந்தப்பட்டு இருப்பதாக சமூக வலைதளங்களில் இன்னும் சர்ச்சைகளாகவே இருக்கிறது. தமிழக வெற்றி கழகத்தின் தலைவருமான விஜய் குறித்தும் பலவிதமான கருத்துக்கள் பேசப்பட்டு வருகின்றது.
இந்நிலையில், திரிஷா வைத்திருக்கும் இன்ஸ்டாகிராம் ஸ்டோரி ஒன்று சமூக வலைதளங்களில் வெளியாகி வைரலாகி வருகிறது. அதாவது விஜயின் படங்களில் அதிக வசூல் செய்த லியோ, அஜித்தின் படங்களில் அதிக வசூல் செய்த குட் பேட் அக்லி, சூர்யாவின் படங்களில் அதிக வசூல் செய்த கருப்பு, ஆகிய மூன்று படங்களிலும் பொதுவான விஷயம் திரிஷா.
ஒன் அண்ட் ஒன்லி திரிஷா என அந்த ஸ்டோரில் குறிப்பிடப்பட்டுள்ளது. மூன்று பெரிய ஹீரோக்களின் படங்களில் அதிக வசூல் செய்த த திரிஷா என்பது அவரது ரசிகர்களிடையே மகிழ்ச்சியை ஏற்படுத்தியுள்ளது.
