தமிழகத்தில் கடந்த சில மாதங்களில் அரிசி, சமையல் எண்ணெய், பூண்டு, மிளகாய் உள்ளிட்ட அத்தியாவசிய மளிகை பொருட்களின் விலை 20 சதவீதம் வரை உயர்ந்துள்ளது. அடுத்தடுத்து பண்டிகை காலங்கள் நெருங்கி வரும் வேளையில், இந்த விலை உயர்வு நடுத்தர மற்றும் ஏழை எளிய குடும்பங்களின் மாதாந்திர பட்ஜெட்டைப் பெரிதும் பாதித்துள்ளது.
பொருட்களின் விலை விவரம்
- மிளகாய் வற்றல்: ஒரு கிலோ ரூ.270 முதல் ரூ.300 வரை விற்பனை செய்யப்படுகிறது.
- பூண்டு: கடந்த முறை ரூ.150-க்கு விற்கப்பட்ட பூண்டு, தற்போது இரண்டு மடங்கு அதிகரித்து ரூ.280 முதல் ரூ.300 வரை விற்பனையாகிறது.
தமிழகத்தில் மழை தொடர்வதற்கான புதிய வானிலை எச்சரிக்கை அறிவிப்பு..!
- வெல்லம் & பருப்பு வகைகள்: வெல்லம் விலை கிலோ ரூ.100 ஆக இரட்டிப்பாகியுள்ளது. முந்திரி ரூ.950-க்கும், பாதாம் ரூ.1,200-க்கும் உயர்ந்துள்ளது.
- சமையல் எண்ணெய்: பாமாயில் லிட்டர் ரூ.185 ஆக அதிகரித்துள்ளது. அரிசி மூட்டை ஒன்றிற்கு ரூ.300 முதல் ரூ.500 வரை விலை உயர்ந்துள்ளது. மாறாக, சர்க்கரை விலை மட்டும் குறைந்துள்ளது.
ஆந்திரா, கர்நாடகா மாநிலங்களில் விளைச்சல் குறைவால் நெல் வரத்து குறைந்ததே அரிசி விலை உயர்வுக்கு முக்கியக் காரணம். எனவே, பண்டிகை காலங்களை முன்னிட்டு அத்தியாவசியப் பொருட்களை ரேஷன் கடைகள் மூலம் குறைந்த விலைக்கு வழங்க வேண்டும் என மக்கள் கோரிக்கை விடுத்துள்ளனர்.
