உச்ச நீதிமன்ற தலைமை நீதிபதி சூரியகாந்த் வழக்கு விசாரணை ஒன்றில் சில இளைஞர்கள் இருக்கிறார்கள் அவர்கள் கரப்பான் பூச்சிகள் போல ஒட்டுண்ணிகள் போல நீதித்துறை ஊடகம் என பல துறைகளில் ஊடுருவி சமூக வலைதள போராளிகளாக அமைப்பை தாக்க தொடங்கியுள்ளனர் என பேசி இருந்தார்.
இது இளைஞர்களுக்கு மிகவும் ஆத்திரத்தை ஏற்படுத்தவே, பின்னர் விளக்கம் அளித்த அவர் நான் போலீ சான்றிதழை கொண்டு நீதி துறை உள்ளிட்டவற்றில் ஊடுருவும் இளைஞர்களையே கூறினேன் என்று விளக்கமும் அளித்திருந்தார். ஆனால், அதிகரிக்கும் வேளாண்மை, நீட் வினாத்தாள் கசிவு உள்ளிட்டவை ஏற்கனவே நாட்டின் மக்களிடம் கோபத்தை ஏற்படுத்தி வரும் நிலையில், அதிக அளவில் இருக்கும் இளைஞர் சமுதாயத்தை கொந்தளவில் கொந்தளிப்பில் ஆழ்த்தியது.
நீதிபதி சூரியகாந்த்தின் விமர்சனம் இளைஞர்கள் மத்தியில் முகச்சுழிப்பையும் ஏற்படுத்தி கடுமையான விமர்சனங்களும் முன்வைக்கப்பட்டன. இதன் விளைவாக கரப்பான் பூச்சி ஜனதா கட்சி CJP என பெயரில் நையாண்டியாக ஒரு அரசியல் கட்சி தொடங்கப்பட்டது. மே 16 அன்று அபிஜித் தீப்கே என்பவரால் இந்த கட்சி தொடங்கப்பட்டது.
தொடங்கிய சில நாட்களிலேயே இதில் 40 ஆயிரம் இளைஞர்கள் இணைந்தனர். மேலும், கட்சியின் எக்ஸ் தளம், இன்ஸ்டாகிராம் உள்ளிட்ட சமூக வலைதள பக்கங்களில் கோடிக்கணக்கானோர் பின் தொடர தொடங்கினர். இந்த கட்சி இளைஞர்களுக்காக இளைஞர்களே தொடங்கியது என்றும் நாட்டின் இளைஞர்கள் சந்திக்கும் இன்னல்களை எடுத்துரைக்கவும் அரசுக்கு எடுத்துரைக்கவும் உருவாக்கப்பட்டது என்றும், அதில் விளக்கம் அளிக்கப்பட்டு இருந்தது.
கரப்பான் பூச்சி ஜனதா கட்சி இளைஞர்களுக்காக தொடங்கப்பட்டு இருந்தாலும், இந்த கட்சியின் எக்ஸ் தள பக்கம் தற்போது முடக்கப்பட்டுள்ளது. முடக்கப்படுவதற்கு முன்பு இந்த பக்கத்தை 1.65 லட்சம் அதிகமானோர் பின் தொடர்ந்திருந்தனர். இந்நிலையில் கரப்பான் பூச்சி ஜனதா கட்சியின் எக்ஸ் தள பக்கம் முடக்கப்பட்டதாக கட்சியின் நிறுவனர் அபிஜித் தீப்கே தெரிவித்துள்ளார்.
இது எதிர்பார்த்ததுதான் என அவர் தனது எக்ஸ் தள கணக்கில் குறிப்பிட்டுள்ளார். இதற்கிடையே, கரப்பான் பூச்சி ஜனதா பார்ட்டியின் இன்ஸ்டாகிராம் பக்கத்தில் 12.6 மில்லியனுக்கும் அதிகமானோர் பாலோவர்களைக் கொண்டு சாதனை படைத்துள்ளனர். அதாவது 8.7 மில்லியன் பாலோவர்களை கொண்டுள்ள பாரதிய ஜனதா கட்சியின் அதிகார பூரஇன்ஸ்டாகிராம் கணக்கை விட பல மடங்கு அதிகம் என்பது குறிப்பிடத்தக்கது.
As expected Cockroach Janta Party’s account has been withheld in India. pic.twitter.com/44ymllnSMJ
— Abhijeet Dipke (@abhijeet_dipke) May 21, 2026
