கடந்த 23ஆம் தேதி நடைபெற்ற சட்டசபை தேர்தலில் தமிழகத்தில் நான்குமுனை போட்டி நிலவியது. தேர்தலுக்கு புதிய வரவான தமிழக வெற்றி கழகம் எடப்பாடி தொகுதியை தவிர்த்து ஏனைய 233 தொகுதிகளிலும், மேலும் எடப்பாடியில் சுயேச்சை ஒருவரை ஆதரித்தும் களம் இறங்கியது.
மெய்சிலிர்க்க வைத்த மகா சமுத்திர ஆரத்தி.. சித்ரா பௌர்ணமியை முன்னிட்டு கடல் அன்னைக்கு ஆராதனை..!
இந்நிலையில், மே நான்காம் தேதி தேர்தல் முடிவுகள் வர இருக்கின்றன. விஜய் எவ்வளவு பெரிய தாக்கத்தை ஏற்படுத்தி இருக்கிறார் என்பது அன்றைய தினமே வெளிச்சத்திற்கு வந்துவிடும். திரை துறையை பொறுத்தவரை சில ஹீரோக்கள் விஜய்க்கு சப்போர்ட் செய்திருக்கிறார்கள்.
இந்நிலையில், யாரும் எதிர்பார்க்காத வகையில் இசைஞானி இளையராஜா ஒரு செயலை செய்திருக்கிறார். அதாவது, இது எங்கள் நீதி என்ற திரைப்படத்தில் இடம் பெற்றிருக்கும் சின்ன தம்பி உன்னை நம்பி நாடு இருக்கு என்ற பாடலை விஜய்யின் புகைப்படத்தோடு தனது youtube பக்கத்தில் பகிர்ந்து இருக்கிறார். அந்த படத்தில், விஜய் சிறிய வேடத்தில் நடித்திருந்தார். தேர்தல் முடிவுகள் வர இன்னும் சில நாட்களே உள்ளநிலையில் இளையராஜா இவ்வாறு செய்ததன் மூலம் அவர் விஜய்க்கு தான் வாக்களித்து இருக்கிறார் என தமிழக வெற்றி கழகத்தினர் கூறி வருகின்றனர்.
இந்நிலையில், விஜய்க்கு ஆதரவாக இளையராஜா பதிவிட்டதை பலரும் விமர்சித்து வருகிறார்கள். விஜய் ரசிகர்கள் இந்த வீடியோவை பகிர்ந்து ஃபயர் விட தொடங்கி விட்டனர். இதற்கு பதிலடி கொடுக்கிறோம் என்று திமுகவை சேர்ந்த இணையவாசிகள் இளையராஜாவிற்கு இசைஞானி என்ற பட்டத்தை கொடுத்தவர் கலைஞர் தான் என்று பதிவிட்டு வந்தனர்.
இளையராஜாவுக்கு இசைஞானி என்ற பட்டம் கொடுத்தவர் கலைஞர் கருணாநிதிதான் மேலும், இருவருக்கும் ஜூன் மூன்றாம் தேதி தான் பிறந்தநாள். ஆனால், அன்றைய தினத்தில் அனைவரும் கலைஞருக்கு தான் வாழ்த்து சொல்ல வேண்டும் என்று தனது பிறந்த நாளை ஜூன் இரண்டாம் தேதி கொண்டாடி வருகிறார் இளையராஜா. இப்படி ஒரு சூழலில் மறைந்த முன்னாள் முதலமைச்சர் கலைஞர் கருணாநிதி ஒருமுறை நம்மால் உதவிகள் பெற்றவர் அவர்கள் நமக்கு நன்றியுடன் இருப்பார்கள் என்று எதிர்பார்க்கக் கூடாது என்று தெரிவித்ததை குறிப்பிட்டு இசைஞானி இளையராஜா, கலையரசி ராதிகா மற்றும் விஜய் என மூன்று பேரின் புகைப்படத்தையும் பதிவிட்டுள்ளனர். இந்த பதிவுக்கு பலரும் பதில் அளித்து வருகின்றனர்.
