பிரபல youtube சேனலுக்கு சத்யராஜ் மகள் திவ்யா சமீபத்தில் அளித்திருந்த பேட்டியில் திருமணம் செய்து கொள்ளாமல் குழந்தை பெற்றுக் கொள்ளலாம் என பேசி இருந்தார். இது இணையத்தில் சர்ச்சையை ஏற்படுத்திய நிலையில், தனது மகனின் கருத்துக்கு தானும் உடன்படுகிறேன் என்று சத்யராஜ் வீடியோ வெளியிட்டு இருந்தார்.
ஒருவழியாக முடிவுக்கு வரும் இழுபறி?.. துருவ நட்சத்திரம் ரிலீஸ் அப்டேட்..!
இந்த வீடியோவை வன்மையாக கண்டிப்பதாக இயக்குனர் மோகன் ஜி இன்ஸ்டாகிராமில் பதில் வீடியோ வெளியிட்டுள்ளார். அதில், கடந்த இரண்டு நாட்களாக தேர்தல் குறித்து பேசப்பட்ட விஷயங்களை தாண்டி திவ்யா சத்யராஜ் பேசிய கருத்து சமூக வலைதளங்களில் வைரலாகி வருகிறது. திவ்யா பேசியது பெரிய அளவில் வைரலாகவில்லை. ஆனால், மகளின் கருத்திற்கு ஆதரவாக நடிகர் சத்யராஜ் பேசியது முக்கியமானதாக பார்க்கப்படுகிறது.
அவரது பேச்சு எளிதில் கோடிக்கணக்கான மக்களை சென்றடைந்து இருக்கும். சத்யராஜ் சார் நீங்க பெரியாரிஸ்ட் என்பது 90களில் பிறந்தவர்களுக்கு தெரியும். ஆனால், தற்போது இருக்கக்கூடிய ஜென்சிகளுக்கு நீங்கள் பெரியார் என்று தெரியாது. பெரியாரின் கொள்கை என்ன என்று கூட தெரியாது. அப்படி இருக்கும்பொழுது நீங்களும் உங்களுடைய மகள் சொன்ன கருத்து தப்பானது லிவிங் ரிலேஷன்ஷிப் வாழ்க்கை தவறு இல்லை.
தாலியும் மோதிரம் போன்ற எந்தவித சடங்குகளும் இல்லாமல் பெற்றோர் சம்பந்தம் இன்றி லிவிங் ரிலேஷன்ஷிப்பில் வாழ்ந்து குழந்தை பெற்றுக் கொள்வது தவறு இல்லை என்று சொல்லி இருக்கிறீர்கள். இதை நான் வன்மையாக கண்டிக்கிறேன். நீங்க ஏசி அறையில் உட்கார்ந்து கொண்டு எதுவேனாலும் பேசலாம். உங்களுக்கு பேங்க் பேலன்ஸ் இருக்கிறது. சொத்து இருக்கிறது.
இது எல்லாம் உங்களுக்கு சாத்தியம். ஆனால், சாதாரண மக்களுக்கு இது பெரும் சிக்கல்களை ஏற்படுத்திவிடும். திருமணம் இல்லாமல் உறவிலிருந்து குழந்தை பெற்றுக் கொண்டு பின் பிரிவு ஏற்பட்டால், அந்த குழந்தையின் எதிர்காலம் பாதிக்கப்படும். குழந்தையை தனியாக வளர்ப்பது எவ்வளவு கஷ்டம் என்பதை இந்த நிலையை எதிர்கொண்ட பெண்களிடம் கேட்டால் தெரியும். இளைஞர்களே தயவு செய்து இது போன்ற பேச்சைக் கேட்டு பாதை மாறிவிடாதீர்கள் என இயக்குனர் மோகன்ராஜ் அந்த வீடியோவில் பேசி இருந்தார். இந்த வீடியோ தற்போது சமூக வலைதளங்களில் வைரலாகி வருகிறது.
