புது தில்லி / கொல்கத்தா : மத்திய கிழக்கு நாடுகளின் போர் பதற்றத்தால் ஹார்முஸ் ஜலசந்தி முடங்கியுள்ள நிலையில், இந்தியாவில் எரிசக்தி நெருக்கடி தீவிரமடைந்துள்ளது. குறிப்பாக, எல்என்ஜியை விட எல்பிஜி விநியோகம் பெரும் பாதிப்புக்குள்ளாகியுள்ளது.
ஏன் இந்த நெருக்கடி? :
இறக்குமதி பாதிப்பு: இந்தியாவின் 60% எல்பிஜி தேவை இறக்குமதி மூலமே பூர்த்தி செய்யப்படுகிறது. இதில் 80-90% வளைகுடா நாடுகளிலிருந்து ஹார்முஸ் ஜலசந்தி வழியாகவே வருகிறது. தற்போதைய முடக்கத்தால், வீட்டு உபயோக சிலிண்டர் விநியோகத்தில் சிக்கல் எழுந்துள்ளது.
எல்பிஜி தட்டுப்பாட்டிற்குத் தீர்வாக அல்லாமல், எல்என்ஜி (LNG) விநியோகத்தைச் சீரமைக்கவே ‘Natural Gas (Supply Regulation) Order 2026’ அமல்படுத்தப்பட்டுள்ளது.
வீட்டு நுகர்வோருக்கு 100% எரிவாயு வழங்கல் உறுதி செய்யப்பட்டுள்ளது.
தொழிற்சாலைகள் மற்றும் மின் உற்பத்தி நிலையங்களுக்கு இது 80%-ஆகக் குறைக்கப்பட்டுள்ளது.
.
தொழிற்சாலைகளின் மாற்று ஏற்பாடுகள் :
தொழிற்சாலைகள் மற்றும் உணவகங்கள் தடையின்றி இயங்க, மாற்று எரிபொருட்களைப் பயன்படுத்த அரசு தற்காலிக அனுமதி வழங்கியுள்ளது.
மாற்று எரிபொருட்கள்: உணவகங்கள் மற்றும் விடுதிகள் தற்போது நிலக்கரி மட்டுமல்லாது, மரக்கட்டை , RDF Pellets, மற்றும் மண்ணெண்ணெய் ஆகியவற்றைப் பயன்படுத்தத் தொடங்கியுள்ளன.
கோல் இந்தியா நடவடிக்கை: நிலக்கரிக்கான தேவை அதிகரித்துள்ள நிலையில், கோல் இந்தியா தனது ஏல நடவடிக்கைகளை வேகப்படுத்தியுள்ளது.
பொருளாதார தாக்கம்:
எரிவாயு தட்டுப்பாட்டால் உலக சந்தையில் எண்ணெய் மற்றும் எரிவாயு விலை உயர்ந்து வரும் சூழலில், இந்தியாவின் இந்த ‘மாற்று எரிசக்தி’ வியூகம் தற்காலிகமான தீர்வாகப் பார்க்கப்படுகிறது.
