தமிழகத்தில் குடியரசுத் தலைவர் ஆட்சி அமைவதைத் தவிர்க்கவும், அரசியல் நிலைத்தன்மையை உறுதிப்படுத்தவும் முதலமைச்சர் விஜய் தலைமையிலான தவெக அரசுக்கு சிபிஎம், சிபிஐ மற்றும் விசிக ஆகிய கட்சிகள் இன்று நடைபெறும் நம்பிக்கை வாக்கெடுப்பில் ஆதரவு அளிக்கின்றன.

தமிழக சட்டப்பேரவையில் இன்று நடைபெறும் நம்பிக்கை வாக்கெடுப்பில் முதலமைச்சர் விஜய் தலைமையிலான அரசுக்கு காங்கிரஸ் கட்சி தனது முழு ஆதரவை வழங்குகிறது; 120-க்கும் மேற்பட்ட எம்.எல்.ஏ-க்களின் ஆதரவுடன் தவெக அரசு தனது பெரும்பான்மையை நிரூபிக்க உள்ளது.

“என்னை முதலமைச்சராக்க முயற்சி நடப்பதாக நண்பர்கள் பேசியதையே நான் குறிப்பிட்டேன்; திமுக அல்லது அதிமுக தரப்பில் இருந்து யாரும் என்னை அணுகவில்லை” என விசிக தலைவர் திருமாவளவன் வதந்திகளுக்கு விளக்கம் அளித்துள்ளார்.

தமிழக முதலமைச்சராகப் பதவியேற்றுள்ள விஜய், விசிக தலைவர் தொல். திருமாவளவனை நேரில் சந்தித்துப் பேசினார். ஆட்சி அமைப்பதற்கு ஆதரவு தெரிவித்த விசிக-வுக்கு நன்றி தெரிவித்ததுடன், சமூக நீதி மற்றும் மக்கள் நலத் திட்டங்கள் குறித்தும் ஆலோசிக்கப்பட்டது.

அதிமுக முன்னாள் அமைச்சர் சி.வி. சண்முகத்தின் அலுவலகத்திற்கு முதலமைச்சர் விஜய் நேரில் சென்றது அரசியல் வட்டாரத்தில் பெரும் பரபரப்பை ஏற்படுத்தியுள்ளது; இது ஒரு மரியாதை நிமித்தமான சந்திப்பா அல்லது அரசியல் நகர்வா என விவாதங்கள் கிளம்பியுள்ளன.