அதிமுக பொதுச்செயலாளர் பதவி குறித்த வதந்திகளுக்கு முற்றுப்புள்ளி வைக்கும் வகையில், முன்னாள் அமைச்சர் எஸ்.பி. வேலுமணி தனது நிலைப்பாட்டைத் தெளிவாகப் பகிர்ந்துள்ளார். அதிமுக பொதுச்செயலாளர் பொறுப்பை ஏற்க மாட்டேன் என்று எஸ்.பி. வேலுமணி திட்டவட்டமாகத் தெரிவித்துள்ளார்.
இது போன்ற வதந்திகள் திட்டமிட்டுப் பரப்பப்படுவதாகவும் அவர் குறிப்பிட்டார். தான் எப்போதும் அதிமுகவின் அடிமட்டத் தொண்டனாகவும், தலைமைக்குக் கட்டுப்பட்டவராகவும் மட்டுமே இருப்பேன் என்று அவர் கூறினார். இத்தகைய உயரிய பொறுப்புகள் கட்சி விதிகளின்படியும், தொண்டர்களின் விருப்பப்படியும் தான் அமையும் என்றும் அவர் விளக்கம் அளித்தார்.
தரவுகளை பகிர தவறினால் கடும் நடவடிக்கை.. அமைச்சர் சி.டி.ஆர். நிர்மல் குமார் உத்தரவு..!
சமீபகாலமாக கட்சித் தலைமையின் செயல்பாடுகள் மற்றும் எதிர்காலத் தேர்தல் வியூகங்கள் குறித்து பல்வேறு யூகங்கள் வெளியாகி வந்த நிலையில், கட்சியின் முக்கியத் தலைவர்களில் ஒருவரான வேலுமணியின் இந்த அறிவிப்பு, கட்சிக்குள் நிலவும் சர்ச்சைகளுக்கு ஒரு தீர்வாகப் பார்க்கப்படுகிறது.
கட்சித் தொண்டர்கள் இது போன்ற வதந்திகளை நம்ப வேண்டாம் என்றும், ஒற்றுமையாக இருந்து வரும் காலங்களில் கட்சியை வலுப்படுத்த உழைக்க வேண்டும் என்றும் அவர் வலியுறுத்தியுள்ளார். கட்சிக்குள் நிலவும் அதிகார மையங்கள் குறித்த விவாதங்களுக்கு மத்தியில், எஸ்.பி. வேலுமணியின் இந்த அறிவிப்பு தற்போதைய அரசியல் சூழலில் முக்கியத்துவம் பெற்றுள்ளது.
