தமிழக அரசு பொதுமக்களுக்கு நியாயவிலைக் கடைகள் (ரேஷன் கடைகள்) மூலமாக மானிய விலையில் வழங்கிவரும் துவரம் பருப்பு கொள்முதலில் மாபெரும் நிதிச் சேமிப்பு எட்டப்பட்டுள்ளது. முதல்வர் விஜய் தலைமையிலான தவெக அரசு பதவியேற்ற பிறகு, பல்வேறு துறைகளிலும் வெளிப்படைத்தன்மை மற்றும் முறையான டெண்டர் நடைமுறைகள் தீவிரப்படுத்தப்பட்டுள்ளன.
இதன் ஒரு பகுதியாக, ரேஷன் கடைகளுக்காகக் கொள்முதல் செய்யப்படும் துவரம் பருப்பின் விலையில் மிகப்பெரிய வீழ்ச்சியும், அதன் மூலம் அரசுக்குக் பெருமளவு பணச் சேமிப்பும் ஏற்பட்டுள்ளது.
என்ன இப்படி ஷாக் கொடுத்துட்டீங்க?.. “அண்ணி, அண்ணி” என்று ஆரவாரத்துடன் வரவேற்ற ரசிகர்கள்..!
கடந்த காலங்களில் முந்தைய திமுக ஆட்சிக் காலத்தில் ஒரு கிலோ துவரம் பருப்பு ரூ.109.15 என்ற விலைக்குக் கொள்முதல் செய்யப்பட்டு வந்த நிலையில், தற்போதைய தவெக அரசாங்கத்தின் கீழ் மேற்கொள்ளப்பட்ட வெளிப்படையான டெண்டர் மூலமாக ஒரு கிலோ வெறும் ரூ.77.89-க்குக் கொள்முதல் செய்யப்பட்டுள்ளது. அதாவது கிலோவுக்கு சுமார் ரூ.31 வரையில் விலை குறைக்கப்பட்டுள்து.
இதன் காரணமாக, கடந்த மூன்று மாதங்களில் (ஜூலை – செப்டம்பர்) மட்டும் அரசுக்கு ரூ.187.56 கோடி மிச்சமாகியுள்ளது. முந்தைய ஆட்சியில் அதே அளவு பருப்பைக் கொள்முதல் செய்ய ரூ.654 கோடிக்கு மேல் செலவிடப்பட்ட நிலையில், தற்போது ரூ.467 கோடியாகச் செலவு சுருங்கியுள்ளது. தரத்தில் எந்தவித சமரசமும் இன்றி இந்த நிதியைக் காப்பாற்றியுள்ள அரசுத் துறையின் இந்த அதிரடி நடவடிக்கை அரசியல் மற்றும் பொதுமதிகள் மத்தியில் பெரும் வரவேற்பைப் பெற்றுள்ளது.
