தமிழ் சினிமாவில் தனித்துவமான படைப்புகளால் தனக்கென ஒரு இடத்தைப் பிடித்த இயக்குநர் அட்லீ, தற்போது தயாரிப்பாளராகவும் பல புதிய முயற்சிகளை முன்னெடுத்து வருகிறார். அந்த வகையில், பாலாஜி தரணிதரன் இயக்கத்தில் விஜய் சேதுபதி நடிப்பில் வெளியான ‘பத்தா’ திரைப்படம் ரசிகர்கள் மத்தியில் பெரும் வரவேற்பைப் பெற்றுள்ளதுடன், வெளியான 4 நாட்களிலேயே 10 கோடி ரூபாய்க்கும் அதிகமான வசூலைக் குவித்து பாக்ஸ் ஆபிஸில் சாதனை படைத்து வருகிறது.
படத்தின் இந்தப் பெருவெளியைக்கூட்டத்தைக் கொண்டாடும் விதமாக, சென்னையில் உள்ள நட்சத்திர ஹோட்டலில் அட்லீ மற்றும் பிரியா அட்லீ இணைந்து பிரம்மாண்டமான வெற்றி விழாவை நடத்தியுள்ளனர்.
இது டிஜிட்டல் பாலியல் வன்கொடுமை.. மார்பிங் விவகாரத்தில் பகீர்..!
இந்த விழாவில் பேசிய இயக்குநர் அட்லீ, தமிழ் சினிமாவின் தரத்தை உலக அளவில் உயர்த்தும் நோக்கில், ‘பத்தா’ அல்லது தனது வரவிருக்கும் ‘ராக்கா’ திரைப்படத்தை ஆஸ்கர் விருதுப் போட்டிக்குக் கொண்டு செல்லவிருப்பதாகவும், ஆஸ்கர் மேடையில் தமிழில் உரையாற்றுவதே தனது லட்சியம் என்றும் பெருமிதத்துடன் தெரிவித்தார். மேலும், சமீபத்தில் ஹிப் ஹாப் ஆதியின் ‘மீசைய முறுக்கு 2’ பட விவகாரத்தில் இசையமைப்பாளர் சாய் அபயங்கர் குறித்து எழுந்த வாரிசு அரசியல் (Nepotism) சர்ச்சைகளுக்கு அட்லீ திட்டவட்டமான முற்றுப்புள்ளி வைத்துள்ளார்.
சாய் அபயங்கர் எந்தவித சிபாரிசும் இன்றி தனது அசாத்திய திறமையால் உயர்ந்தவன் என்றும், ஹாலிவுட் வரை அவனது இசையைக் கண்டு அனைவரும் வியந்ததாகவும் குறிப்பிட்டுள்ள அட்லீ, அவன் “நெப்போ கிட் அல்ல, கடவுளின் குழந்தை” எனத் தெரிவித்துத் திரையுலகில் பெரும் விவாதத்திற்கு வழிவகுத்துள்ளார்.
