தாராபுரம் மற்றும் மதுராந்தகம் இடைத்தேர்தல் களம் சூடுபிடித்துள்ள நிலையில், அரசியல் கட்சிகளுக்கிடையேயான வார்த்தைப் போர் உச்சக்கட்டத்தை எட்டியுள்ளது. கோவை விமான நிலையத்தில் செய்தியாளர்களைச் சந்தித்த தமிழக வெற்றிக் கழகத்தின் முக்கிய அமைச்சரான சிடிஆர் நிர்மல்குமார், மார்க்சிஸ்ட் கம்யூனிஸ்ட் கட்சியின் மாநிலச் செயலாளர் பெ. சண்முகத்தின் கருத்துகளுக்குக் கடுமையான கண்டனங்களைப் பதிவு செய்தார்.
உருவக்கேலி செய்து பேசுவதா? மு.க.ஸ்டாலினுக்கு அமைச்சர் வன்னி அரசு கடும் கண்டனம்..!
இடைத்தேர்தல் களத்தில் திமுக, அதிமுக, தவெக உள்ளிட்ட கட்சிகள் பணம் விநியோகிப்பதாகப் பெ. சண்முகம் கூறிய குற்றச்சாட்டுக்குப் பதிலளித்த நிர்மல்குமார், “தவெக மீது வீண்பழி சுமத்தும் வகையில் திமுகவினர் பரப்பும் பொய்களை அப்படியே சண்முகமும் பேசி வருகிறார்.
தவெக தரப்பில் பணம் கொடுக்கப்படுகிறது என்றால் அதனை அவர் பகிரங்கமாக நிரூபிக்க வேண்டும்” எனத் தெரிவித்தார். மேலும், தேர்தல் பிரச்சாரத்தில் முதல்வர் மு.க.ஸ்டாலின் தனிப்பட்ட முறையிலும், பெண் வேட்பாளர்களை அவமதிக்கும் வகையிலும் பேசியிருப்பது அவரது வக்கிரபுத்தியைக் காட்டுவதாகவும், இதற்காக அவர் பொதுவெளியில் மன்னிப்பு கேட்க வேண்டும் என்றும் அவர் கடுமையாகச் சாடினார்.
