தமிழக அரசியலில் இடைத்தேர்தல் களம் சூடுபிடித்துள்ள நிலையில், நாம் தமிழர் கட்சியின் தலைமை ஒருங்கிணைப்பாளர் சீமான் தனது தேர்தல் பிரச்சாரத்தின் போது எதிர்க் கட்சிகளையும், அரசியல் நிலவரங்களையும் கடுமையாக விமர்சித்து வருகிறார். அந்த வகையில், ஒரு பதவியை ராஜினாமா செய்துவிட்டு மீண்டும் அதே பதவிக்காகத் தேர்தலில் போட்டியிடுவது எந்த வகையிலும் நியாயமில்லை என்றும், அது வெட்கக்கேடான செயல் என்றும் அவர் சாடியுள்ளார்.
பெண் வேட்பாளர் விவகாரம்.. கொந்தளிப்பில் தவெக மற்றும் அரசியல் களம்..!
மேலும், கடன் சுமை நிறைந்த தமிழகத்தில் இலவசத் திட்டங்களை எவ்வாறு நிறைவேற்ற முடியும் என்பது தேர்தலுக்கு முன்பே தெரியாதா என கேள்வி எழுப்பிய அவர், தற்போதைய அரசின் அறிவிப்புகள் வெற்றுப் பேச்சுகளாகவே உள்ளதாகவும் குற்றம் சாட்டியுள்ளார். தேர்தல் களத்தில் பணப் பட்டுவாடா மற்றும் வாக்கு அரசியல் தீவிரமடைந்துள்ள சூழலில் சீமானின் இந்த அதிரடிப் பேச்சு அரசியல் வட்டாரத்தில் பெரும் விவாதத்தை ஏற்படுத்தியுள்ளது.
