கடந்த செப்டம்பர் 24 அன்று மதுமிதா மற்றும் அவரது கணவர் வெளியே சென்றிருந்த நேரத்தில், வீட்டின் பின்பக்கக் கதவை உடைத்து உள்ளே நுழைந்த இசக்கிபாண்டி பீரோவில் இருந்த 118 பவுன் தங்க நகைகளைத் திருடிச் சென்றுள்ளார்.
இந்தச் சம்பவம் குறித்து வழக்குப் பதிவு செய்த தனிப்படை போலீசார், அப்பகுதியில் உள்ள சிசிடிவி (CCTV) காட்சிகளை வைத்துக் தீவிர விசாரணை மேற்கொண்டனர். இதில் திருட்டில் ஈடுபட்டது இசக்கிபாண்டி என்பது உறுதியானது.
சிறுத்தை பட குட்டி பாப்பாவா இது?.. ஆள் அடையாளமே தெரியாமல் மாறிய ரக்ஷனா..!
திருடிய நகைகளை விற்க உதவியாகவும், இருசக்கர வாகனத்தை வழங்கியதாகவும் கூறி இசக்கிபாண்டியின் கூட்டாளிகளான ஸ்ரீவைகுண்டம் முருகன் (28), தென்காசி மாவட்டம் ஆலங்குளத்தைச் சேர்ந்த முருகேசன் (30), தங்கபாண்டி (32) ஆகிய 4 பேரையும் போலீசார் கைது செய்தனர்.
சமூக வலைதளங்களில் தங்களது சொந்த சொத்துக்கள், பணம் மற்றும் நகைகளை வெளிப்படையாகக் காட்சிப்படுத்துவது எந்தளவுக்கு ஆபத்தானது என்பதற்கு இச்சம்பவம் ஒரு பெரிய எச்சரிக்கையாக அமைந்துள்ளது.
முன்னதாக, சமூக வலைதளங்களில் தங்களது ஆடம்பர வாழ்க்கை முறை, பணம் மற்றும் நகைகளைக் காட்சிப்படுத்துவது எந்த அளவிற்கு விபரீதத்தை ஏற்படுத்தும் என்பதற்கு நாகர்கோவிலில் நடந்துள்ள இந்தச் சம்பவம் ஒரு பெரும் எச்சரிக்கையாக மாறியுள்ளது. நாகர்கோவிலைச் சேர்ந்த பெண் யூடியூபர் மதுமிதா என்பவரது வீட்டில் கடந்த செப்டம்பர் 24-ம் தேதி புகுந்த மர்ம நபர் ஒருவர், பீரோவில் இருந்த 118 பவுன் தங்க நகைகளைக் கொள்ளையடித்துச் சென்றார். இது குறித்துப் புகாரளிக்கப்பட்டதை அடுத்து, தனிப்படை போலீசார் சிசிடிவி காட்சிகளின் அடிப்படையில் தீவிர விசாரணை மேற்கொண்டனர்.
இந்த வழக்கில் ஸ்ரீவைகுண்டத்தைச் சேர்ந்த இசக்கிபாண்டி (30) என்பவரைக் கைது செய்தபோது அவர் அளித்த வாக்குமூலம் காவல்துறையினரையே அதிர வைத்துள்ளது. யூடியூபர் மதுமிதாவின் தீவிர ஃபாலோவரான இசக்கிபாண்டி, அவர் தனது வீடியோக்களில் தொடர்ந்து பணத்தையும் நகைகளையும் காட்டி வந்ததைப் பார்த்து ஆசைப்பட்டுள்ளார்.
மேலும், சமூக வலைதளங்கள் மூலம் மதுமிதாவிடம் பேசி அவரது வசிப்பிட விவரங்களையும் தெரிந்து கொண்டுள்ளார். சம்பவத்தன்று அவர்கள் வீட்டில் இல்லாத நேரத்தில் பின்பக்கக் கதவை உடைத்து இந்தத் துணிகரக் கொள்ளையில் ஈடுபட்டுள்ளார். திருடிய நகைகளை விற்க உதவிய அவரது கூட்டாளிகள் 3 பேர் உள்பட மொத்தம் 4 பேரைக் கைது செய்துள்ள போலீசார், அவர்களிடம் இருந்து மேற்கொண்டு விசாரணை நடத்தி வருகின்றனர்.
