கோலிவுட்டில் பெரும் பேசும் பொருளாக மாறியுள்ள சிவகார்த்திகேயன் மற்றும் வெங்கட் பிரபு இணைவதாகவிருந்து ட்ராப் ஆன படம் குறித்த சர்ச்சையும், கங்கை அமரனின் பேட்டியும் திரையுலகில் பரபரப்பை ஏற்படுத்தியுள்ளது.
“ஒரு படம் ஹிட்டானவுடன் வேறு இயக்குநரிடம் சென்றுவிட்டார், வெங்கட் பிரபு தன் காலில் விழத் தேவையில்லை” என கங்கை அமரன் கொந்தளித்துப் பேசிய நிலையில், வெங்கட் பிரபுவும், சிவகார்த்திகேயனும் அதுகுறித்து ‘எக்ஸ்’ தளத்தில் விளக்கம் அளித்துச் சர்ச்சைக்கு முற்றுப்புள்ளி வைத்தனர்.
நடிகை ரகுல் ப்ரீத் சிங் கணவர் வீட்டில் ஐடி ரெய்டு – பாலிவுட்டில் அதிரடி சோதனை..!
இந்நிலையில், பிரபல பத்திரிகையாளர் அந்தணன் அளித்த பேட்டியில், “இதற்கு ஹீரோ மீது எந்தத் தவறும் இல்லை; பட்ஜெட் அதிகரிப்பு மற்றும் ‘பராசக்தி’ படத்தின் வசூல் மந்தநிலை காரணமாகவே தயாரிப்பு நிறுவனமான சத்யஜோதி இப்படத்தைக் கைவிட்டது. கங்கை அமரன் அதிகப்பிரசங்கித்தனமாக பேசி தனது மகனின் வாழ்க்கையைக் கெடுக்கப் பார்க்கிறார்” என அதிரடியாகத் தெரிவித்துள்ளார்.
முன்னதாக, இதற்குக் குறுகிய காலத்திற்குள் முற்றுப்புள்ளி வைக்கும் வகையில், வெங்கட் பிரபு தனது ‘எக்ஸ்’ தளத்தில், “தந்தையின் ஆதங்கம் இயல்பானதே, இதில் எந்த மனக்கசப்பும் இல்லை, நேரமும் நல்ல கதையும் கூடிவந்தால் சிவகார்த்திகேயனுடன் மீண்டும் பணியாற்றுவேன்” என விளக்கமளித்தார். அதனைத் தொடர்ந்து நடிகர் சிவகார்த்திகேயனும் தன் பங்குக்கு அன்பான பதிலை வெளிப்படுத்திச் சர்ச்சைக்கு முற்றுப்புள்ளி வைத்தார்.
இந்தச் சூழலில், பிரபல பத்திரிகையாளர் அந்தணன் இதுகுறித்து அளித்த பேட்டி அனைவரின் கவனத்தையும் ஈர்த்துள்ளது. அதில் அவர், “இந்த விவகாரத்தில் ஹீரோ மீது எந்தத் தவறும் கிடையாது. படத்தின் பட்ஜெட் அதிகமாகிவிட்டதாலும், ‘பராசக்தி’ படத்தின் வியாபார நிலவரத்தாலும் சத்யஜோதி நிறுவனம் பட்ஜெட்டைக் குறைக்கச் சொன்னது. ஆனால், வெங்கட் பிரபு அதற்கு உடன்படவில்லை. எனவே, கங்கை அமரன் இதுபோன்று பேசி தனது சொந்த மகனின் சினிமா வாழ்க்கைக்குத் தடையேற்படுத்தக் கூடாது” எனத் தெளிவாக விளக்கியுள்ளார்.
