மணமணக்கும் நீலகிரி வெஜ் குருமா.. சப்பாத்தி, பரோட்டாவுக்கு ஏற்ற சூப்பர் சைட் டிஷ்..!

தேவையான பொருட்கள்

• அரைக்க வேண்டிய மசாலாப் பொருட்கள்:
  • தேங்காய்த் துருவல் – 1/4 கப்
  • புதினா இலைகள் – ஒரு கைப்பிடி
  • மல்லித்தழை (கொத்தமல்லி) – ஒரு கைப்பிடி
  • பச்சை மிளகாய் – 4 முதல் 5 (காரத்திற்கேற்ப)
  • முந்திரிப் பருப்பு – 5 முதல் 6 (கிரேவி திக்காக இருக்க)
  • சோம்பு (பெருஞ்சீரகம்) – 1 டீஸ்பூன்
  • பட்டை, கிராம்பு, ஏலக்காய் – சிறிதளவு
• காய்கறிகள் மற்றும் இதர பொருட்கள்:
  • நறுக்கிய காய்கறிகள் (கேரட், பீன்ஸ், உருளைக்கிழங்கு, பட்டாணி, காலிஃபிளவர்) – 1.5 கப்
  • பெரிய வெங்காயம் – 1 (பொடியாக நறுக்கியது)
  • தக்காளி – 1 (பொடியாக நறுக்கியது)
  • இஞ்சி பூண்டு விழுது – 1 டீஸ்பூன்
  • மஞ்சள் தூள் – 1/4 டீஸ்பூன்
  • எண்ணெய் அல்லது நெய் – 2 டேபிள் ஸ்பூன்
  • உப்பு – தேவையான அளவு
  • தண்ணீர் – தேவையான அளவு

செய்முறை

Step 1: முதலில் மிக்ஸி ஜாரில் தேங்காய், புதினா, மல்லித்தழை, பச்சை மிளகாய், முந்திரி, சோம்பு மற்றும் பட்டை, கிராம்பு, ஏலக்காய் சேர்த்து சிறிதளவு தண்ணீர் ஊற்றி நைசாக அரைத்து வைத்துக் கொள்ளவும்.

Step 2: கடாயில் எண்ணெய் அல்லது நெய் ஊற்றி சூடானதும், நறுக்கிய வெங்காயம் சேர்த்து லேசாக வதக்கவும். பின் இஞ்சி பூண்டு விழுது சேர்த்து பச்சை வாசனை போகும் வரை வதக்க வேண்டும்.

மீண்டும் திகில் களத்தில் களமிறங்கும் த்ரிஷா: புதிய ஹாரர் பட அதிகாரப்பூர்வ அறிவிப்பு..!

Step 3: இப்போது தக்காளி சேர்த்து அது குழைந்து வரும் வரை வதக்கி, அதனுடன் நாம் எடுத்துக்கொண்ட நறுக்கிய காய்கறிகள் மற்றும் மஞ்சள் தூள் சேர்த்து சில நிமிடங்கள் வதக்க வேண்டும்.

Step 4: காய்கறிகள் வேகத் தேவையான அளவு தண்ணீர் மற்றும் உப்பு சேர்த்து மிதமான தீயில் மூடி வைக்கவும். காய்கறிகள் பாதியாக வெந்ததும், நாம் அரைத்து வைத்துள்ள பச்சை நிற மசாலா விழுதை அதனுடன் ஊற்றிக் கலக்க வேண்டும்.

Step 5: குருமா மிதமான தீயில் கொதித்து, எண்ணெய் பிரிந்து வரும் பக்குவத்தில் இறக்கினால், ந மணமிக்க ‘நீலகிரி வெஜ் குருமா’ தயார்!