வீட்டில் துடைப்பம் வைப்பதற்கான வாஸ்து விதிகள்
வாஸ்து சாஸ்திரத்தின்படி, வீட்டில் உள்ள துடைப்பம் என்பது வெறும் குப்பையை அள்ளும் பொருள் மட்டுமல்ல; அது லட்சுமி தேவியின் வடிவமாகவும், செல்வத்தின் குறியீடாகவும் பார்க்கப்படுகிறது. எனவே, அதைச் சரியான முறையில் கையாள்வது வீட்டில் நேர்மறை ஆற்றலை (Positive energy) அதிகரிக்கும்.
துடைப்பம் வைக்க வேண்டிய திசைகள்
- துடைப்பத்தை எப்போதும் வீட்டின் மேற்கு அல்லது வடமேற்கு (ஆக்னேயம்) திசையிலுள்ள மூலைகளில் வைப்பது மிகவும் நல்லது. இது வீட்டில் செல்வ வளத்தை நிலைநிறுத்த உதவும்.
பலிபீடத்தைத் தொட்டு வணங்கக் கூடாதா?.. உண்மையான ஆன்மீகத் தத்துவம்..!
- வீட்டின் தென்மேற்கு (நைருதி) திசையிலும் துடைப்பத்தை வைக்கலாம்.
தவிர்க்க வேண்டிய தவறான திசைகள்
- வீட்டின் வடகிழக்கு (ஈசானியம்) திசையில் துடைப்பத்தை ஒருபோதும் வைக்கக் கூடாது. இது தெய்வ வழிபாட்டிற்குரிய திசை என்பதால், இங்கு துடைப்பத்தை வைப்பது வாஸ்து தோஷத்தை ஏற்படுத்தி, கடுமையான பண நெருக்கடியை உண்டாக்கும்.
- அதேபோல் தென்கிழக்கு திசையிலும் துடைப்பத்தை வைக்கக் கூடாது.
- வீட்டில் துடைப்பத்தை எப்போதும் மற்றவர்கள் மற்றும் வெளியில் இருந்து வருபவர்களின் பார்வையில் படாதவாறு மறைவான இடத்தில் வைக்க வேண்டும்.
- துடைப்பத்தை எப்போதும் தரையில் படுக்க வைத்தவாறுதான் (Horizontal) வைக்க வேண்டும்; செங்குத்தாகவோ (Vertical) அல்லது தலைகீழாகவோ நிற்க வைக்கக் கூடாது. இது வீட்டில் உள்ள பணத்தை வீண் விரயமாக்கும்.
- படுக்கையறையிலோ அல்லது சமையலறையிலோ துடைப்பத்தை வைக்கக் கூடாது. இது குடும்ப உறுப்பினர்களிடையே கருத்து வேறுபாடுகளையும், உடல்நலக் குறைபாடுகளையும் ஏற்படுத்தும்.
- சூரிய அஸ்தமனத்திற்குப் பிறகு (மாலை 6 மணிக்கு மேல்) வீட்டைப் பெருக்குவதைத் தவிர்க்க வேண்டும். ஒருவேளை பெருக்க நேர்ந்தால், குப்பையை வீட்டிற்குள்ளேயே ஒரு மூலையில் சேர்த்து வைத்துவிட்டு, மறுநாள் காலையில்தான் வெளியில் கொட்ட வேண்டும்.
