தமிழக சட்டசபை தேர்தலில் தமிழக வெற்றி கழகம் தனி பெரும்பான்மை கட்சியாக 108 இடங்களை வென்றது. பெரும்பான்மைக்கு 10 இடங்கள் தேவை என்பதால், காங்கிரஸ் கட்சியுடன் கூட்டணி அமைத்தது. அதேபோல விசிக, கம்யூனிஸ்ட் கட்சிகள், இந்திய யூனியன் முஸ்லிம் லீக், ஆகிய கட்சிகளின் ஆதரவுடன் தமிழக வெற்றிக்கழகம் ஆதரவு எண்ணிக்கை 120 ஆக உயர்ந்தது.
முதல்முறையாக திறக்கப்பட்டது பனையூர் கதவுகள்.. அலைமோதும் தொண்டர் கூட்டம்..!
தனி பெரும்பான்மையை பெற்ற தமிழக வெற்றி கழகம் ஆட்சி அமைக்க உரிமை கோரி நான்காவது முறையாக ஆளுநரை சந்தித்துள்ளார். தமிழகத்தின் புதிய முதல்வராக விஜய் பதவியேற்கும் விழா குறித்த அதிகாரப்பூர்வ அறிவிப்புகள் தற்போது வெளியாகியுள்ளன.
மெஜாரிட்டியை நிரூபித்து ஆளுநரைச் சந்தித்த நிலையில், பதவியேற்பு விழா நடைபெறும் இடம் மற்றும் தேதி குறித்த முழு விவரம் வெளியாகியுள்ளன. நாளை காலை 10 மணிக்கு முதலமைச்சராக விஜய் பதவியேற்க உள்ளனர். விஜய் உடன் அருண்ராஜ், செங்கோட்டையன், ஆதவ் அர்ஜுனா, நிர்மல் குமார் உள்பட10 பேர் அமைச்சர்களாக பதவியேற்க உள்ளனர்.
கூட்டணி கட்சிகள் நிபந்தனையற்ற ஆதரவு வழங்கினாலும் கூட்டணி கட்சிகளும் அமைச்சரவையில் பங்கேற்க வேண்டும் என விஜய் விரும்புவதாக சொல்லப்படுகிறது. நேரு உள் விளையாட்டு அரங்கில் பதவி ஏற்பு விழா நடைபெற உள்ளது. விஜய்யுடன் அமைச்சரவையும் நாளை பதவி ஏற்பு என தகவல்கள் வெளியாகி உள்ளன. திங்கள் கிழமையன்று எம்.எல்.ஏக்கள் பதவியேற்க உள்ளனர்.
