சூர்யா நடிப்பில் ஆர்.ஜே பாலாஜி இயக்கத்தில் உருவாகியுள்ள கருப்பு திரைப்படம் மீது ஒரு பெரிய எதிர்பார்ப்பு இருக்கிறது. டிரீம் வாரியர் பிக்சர்ஸ் தயாரிப்பில் உருவாகியுள்ள இந்தப் படத்திற்கு சாய் அபயங்கர் இசையமைத்துள்ளார்.
படத்தில் திரிஷா கதாநாயகியாக நடித்துள்ளதுடன், சுவாசிகா, இந்திரன்ஸ், யோகி பாபு, ஷிவாதா, சுப்ரீத் ரெட்டி, அனகா மாயா ரவி மற்றும் நட்டி நட்ராஜ் உள்ளிட்டோர் முக்கிய கதாபாத்திரங்களில் தோன்றுகின்றனர். பெரிதும் எதிர்பார்க்கப்படும் இந்த திரைப்படம் வருகிற மே 14ஆம் தேதி திரைக்கு வர இருக்கிறது. இப்படத்தை திரையில் காண ரசிகர்கள் பலரும் ஆவலுடன் காத்து வருகிறார்கள்.
இந்த நிலையில், கருப்பு படத்தின் இசை வெளியீட்டு விழா மதுரையில் நடைபெற்றது. மிகவும் பிரமாண்டமாக நடத்தப்பட்ட அந்த நிகழ்ச்சியில், சூர்யா, ஆர்ஜே பாலாஜி உட்பட முக்கிய பிரபலங்கள் கலந்து கொண்டனர். படத்தின் ஹீரோயின் ஆன நடிகை திரிஷா மட்டும் வரவில்லை. அது பெரிய பேசுபொருள் ஆனது.
த்ரிஷாவிற்கும் படக்குழுவிற்கும் இருக்கும் பிரச்சினை திரிஷாவின் பதிவால், தற்போது உறுதியாகியிருக்கிறது. அதாவது, ஆடியோ லான்ச்சுக்கு போகாதது ஏன் என ஒருவர் கேட்க த்ரிஷா அதற்கு பதில் கொடுத்துள்ளார்.
அதில், எனக்கு அழைப்பே வரவில்லை என அவர் குறிப்பிட்டுள்ளார். மேலும், தற்போது த்ரிஷாவிற்கு மட்டும் தனியாக டீசர் வெளியிட்டு இருக்கும் நிலையில், அதற்கு நன்றி என கமெண்ட் செய்திருக்கிறார். அதற்கு நெட்டிசன் ஒருவர் ‘த்ரிஷா படத்தில் இருப்பதையே மறந்துவிட்டேன்’ என கமெண்ட் செய்திருக்கிறார். அதற்கு த்ரிஷா நானும் மறந்து விட்டேன். இப்போதாவது, அவர்கள் ரிமைண்டர் செட் செய்தார்களோ என பதிவிட்டு இருந்தார்.
மீண்டும் காதலா?.. ரிலேஷன்ஷிப் குறித்து தமன்னா சொன்ன சீக்ரெட்..!
இந்நிலையில், கருப்பு படத்தில் திரிஷா நடித்திருப்பதை வைத்து இன்னொரு விவாதமும் ஏற்பட்டிருக்கிறது. அதாவது, சில நாட்களுக்கு முன் கருப்பு படத்தில் திரிஷா நடித்திருந்த கேரக்டர் அறிமுக வீடியோ ஒன்று சமூக வலைதளங்களில் வெளியானது. அந்த வீடியோவில் ஒரு இடத்தில் சச்சின் படத்தில் விஜய் வரேன் என்பதை சைகையில் செய்திருப்பார். அதேபோன்று தற்போது, த்ரிஷாவும் செய்து இருக்கிறார். அதை பார்த்து ரசிகர்கள் விஜய் மாதிரி இருக்க வேண்டும் என்பதற்காக தான் ஆர் ஜே பாலாஜி இப்படி ஒரு சீனை வைத்திருப்பாரோ என்று கமெண்ட்களின் தெரிவித்து வருகின்றனர்.
